“宅”住BB心口瞓覺用嘅米袋

自己做會俾出去買的好。
我地係自己做的, 會乾淨d。出去買的,你唔知人地用d米clean唔clean。
我在做之前會咩都唔落咁炒過d米先, 咁可以有殺菌作用, 又唔會因為朝濕而有"菊牛"。
用涼爽的布做成長方形, 裝住d米, 因為係夏天, 唔好用會保暧的布, bb會好熱。然後將長方形用線分開一格格, 咁d米就會均衡地在長方形的每一處, 唔會聚在一起。
至於放幾多米, 就由你自己決定了。bb太小就唔好整太重了。

2008-07-11 17:23:45 補充：
題外話, 請留意包裝, 保心安油要兩歲以上才可使用。

而家ｄ米袋通常係自己整嫁．
你可以搵個布袋載住ｄ米再縫埋佢就得．
不過唔係個個ｂｂ都有效，我個ｂｂ初時都係好似好驚咁扎醒大喊，但係用米袋都無用．
反而比保嬰丹佢食仲得．

多數都是家中長輩做。試在中式裙掛店問吓，名字好似是紫蘇枕，因透氣又不重(米太重了)。也可以用柔軟毛巾捲起或摺,打側放在BB心口至肚之間,效果都是一樣,但要小心留意BB返身或郁動時將毛巾遮蓋到臉上。
當BB受驚扎醒哭,不要大動作抱起,要先用手掌輕拍心口,再用另一手輕輕抱起和輕聲和她說話。
BB可能會是肚仔痛,(可能消化不好或凍)摸摸他的肚子是否凍,是的話用保心安油倒一點在自己掌心,雙手磨擦至有點熱後輕按BB肚臍两側(記着不要碰肚臍)如是者按两三次,看看BB會否定下來舒服點。如果BB末够三個月,就只用雙手磨擦至微熱按在同一地方。

我就唔知出面有冇得賣...

但我媽咪教我自己整。
用新買返黎的長襪， 長度要誇過BB的肚肚。
放適量的米入去個長襪入面，再封口。
要做到好似有隻手臂放係BB的肚上，陪佢訓咁囉...

祝妳BB身體健康!