讀ive有無用

點會無出路呀? 根據網上資料, 過去三年VTC高級文憑既畢業就業率都有90%以上, 顧主對畢業生既評價又高, 無可能會無出路.
我自己呀, 同幾個同學未畢業都已經有公司請喇!
唔做野住, 繼續讀上去都得. 可以經外non-jupas報local-U, 或者讀VTC同海大學協辦既銜接學位課程.

好同意上面「得得地」的講法, 現今讀建造的在未來十年內確有前途, 不過如果你係讀文或商科生, 數理唔係你長處, 可能你會讀得好辛苦, 因為建造學一定需要計數, 而且唔係D好淺既數學, 而係工程數, 例如: 微績分, 反微績分...之類, 不過如果你會考數學科有B級或以上成績, 就應該唔難讀.
而且你要留意你是否好似我咁有偏平腳, 如果有, 你測檢樓宇及工程進度的時候可能會有困難, 因為好些地方你要踏上接近兩米高的長梯上才能看得清楚, 如果有偏平腳, 平衡唔到, 就好容易會跌傷, 所以我有D地方(特別係假天花上的冷氣機, 喉管位等等)好鍾意叫手下幫我睇, 可惜有時相熟的手下放假, 我就要自己睇, 試過有次跌傷咗肩膊, 醫足個幾月.
又或者你係斯文靚女, 唔想落地盤工地, 晒到D美白和化粧甩晒, 溝唔到仔, 咁點算呢?
十多年前, 青山公路(近黃金海岸)改道, 我是當時的工程助理, 朝八晚六, 烈日當空, 三十幾度之下, 真係一日晒足十個鐘, 因為當地盤開始既時候, 係一塊長滿草既爛地, 唔好話有瓦遮頭, 就連廁所都冇, 要响架大貨車後面小便, 費事俾人睇到咁肉酸, 要等到大剷泥車剷晒D草, 掘好化糞池, 起好臨時廁所, 才有一個好臭既廁所去吓, 唔單止咁, 一開始就要睇住衛星相片圖則, 揾晒在兩里長的公路下, 二百幾棵環保署要求保留的樹出來, 唯有日日攀下二至三十呎斜坡懸崖出找, 下面唔單止有蛇, 仲有毒蜘蛛, 真係要好小心, 而且由於冇已經開發既路, 我只是抓着一些不知道穩不穩陣的植物和樹幹借力, 隨時會跌落兩層樓高的山坡, 有次我半跌半SIR咁SIR咗落二十呎斜坡下面, 剛巧有條蛇行過, 我不敢動, 條蛇行過咗之後, 我先至抓住坡上的草及植物爬返上來, 真係有D驚險. 如果我响山坡下面中毒暈咗, 真係死咗都冇人知, 這時我才發覺建造業的九千幾蚊人工雖然吸引, 但真係唔易賺, 所以其實你適唔適合做建造, 真係要睇吓你愛唔愛冒險, 同我一齊做E啲嘢既仲有個路政署幫辦和一個監工, 佢地做咗十幾年都唔覺得辛苦和危險, 真係每個人既承受力都唔同, 個工程做咗三年, 我果三年梗係溝唔到女啦, 因為俾蚊針到一達達之餘, 嘴純和塊面都晒到焦黑晒, 因為每日晒足十小時太陽, 太熱, 所以個頭要剷青.
點解要去黃金海岸咁遠開工?
其實我當時每日都要五點幾起身返工, 因為太遠, 冇辦法啦! 因為八十年代初開始, 市區不斷發展, 樓同埋路都起得七七八八, 再起無可起了, 建造業變得很淡, 雖然我當時任職有少許名氣的B+B大公司, 但係都冇市區地盤, 唯有去到咁遠囉!
現時情況有點不同, 因為政府有大營興建項目, 理論上應該唔使去到咁遠開工, 但係當大營興建項目完工之時, 又會打回原形, 到時所有的建築界人仕就會變成各大公司爭相解僱的人, 正所謂「飛鳥盡, 良弓藏」, 更何況公司如無工程, 又拿什麼出糧給員工, 這就好像數年前電腦業的情況一樣, 當大量電腦程式一被寫好, 各大機構就爭相解僱了不少電腦程式編寫員, 只遺留小部份人員作維修保養之用, 而這些程式人員, 即使再找到工作, 人工都會少了一半, 因為市面上人材多, 職位少, 跟據人力市場供求定律, 人工自然大減, 所以我預計建造業可以好足約十年, 十年之後, 亦即大型建設完工之後就會開始炒人, 未夠十年就應該揾路走, 但是由於檢驗樓宇通常是測量系畢業生做的, 如想以政府大型檢樓計劃作為後路, 讀測量會更合適.

咁除咗建迼業之外, 讀IVE仲有冇出路呢?
我認為有, 讀IVE的HD 未必好過讀其他大學的HD, 但係總好過中七畢業之後, 見工時老闆問你有冇强項可以幫到手, 你答唔出.
IVE是增進個人專業能力的地方, 讀會計既人真係識會計, 讀建築既人真係識建築, 做到嘢又有實質功效, 係老闆都唔會否認, 而且讀IVE可以擴闊你的視野, 你知多咗嘢, 自然就知道點樣發展自已, 讀完IVE 之後, 你應該唔會好似而家咁迷汒.
由於IVE在學歷方面未能與現時數間大學相比, 所以建議你揀D在現今香港社會有機會發揮的科目, 會計, 測量, 酒店及旅遊業都係好野.
讀完IVE HD, 有冇機會讀大學?
絶對有, 如果想知建造業的情況, 請參考返以上網友「得得地」所提供的詳盡資料, 如果是讀IVE會計HD的話, 最少可接到香港公開大學的會計學學位課程, 如無意外, 還可免讀2/3的課程, 亦即是只需讀多一年FULL TIME便可大學畢業, 至於其他學科的機會, 在此不便盡錄, 總知你要按着自已的天份,興趣與及對該行業的適應度去選擇, 選好之後就打探吓該IVE課程可以接上那間大學的機會, 然後衡量清楚形勢才決定, 千祈唔好揀錯科呀.

2008-07-12 18:15:20 補充：
讀政府撥款資助的課程是否比起非撥款資助的課程有認受性?

其實機構或老闆都不會理會該課程是否有政府撥款資助, 亦即這與課程的認受性沒有直接的關係, 如果你想知道該課程的認受性, 要靠你自已搜集資料了, 如果有專業學會認可的, 那個課程便起碼有些保證, 例如: 讀電機工程, 有IEEE認可, 讀會計, 有會計師公會(ACCA)認可之類, 不過, 沒有政府撥款的課程, 好可能會好貴, 有些要成廿萬才能完成DEGREE, 所以報讀課程之前, 還要好好考慮學費是否太貴的問題.

想了解事實? 我講你知啦!!

其他課程我就唔太知，而我了解o既係屯門IVE建造工程系o既「建造工程及管理高級文憑」(Higher Diploma in Construction Engineering and Management) 舊年有40% o既畢業生收o左入本地大學o既Degree。

今年o既畢業班未考畢業試已經有好多同學有本地大學俾有條件取錄(conditional offer)佢地，全部都係政府資助o既大學學位(唔係冇資助o個o的)，有o的入USTo既土木工程，有o的入CITYU 2年級，有o的入POLY U。到今日為止 Total 接近半班有conditional offer!!!

而且今年好多大型工程就o黎上馬，包括添馬艦，西九，舊機場，觀塘重建，依家立法會仲通過埋強制驗樓計劃等等。起o的私人承建商度可以做工程助理或者助理工程師。同埋今年開始政府將會重新招聘公務員，如果以高級文憑入職技術主任或者工程監工，月薪萬幾。

而舊年呢個建造工程系HD o既畢業生平均月薪係$9900。

如果有人話政府撥款o既HD都冇認受性，反而話鬧到滿城風雨o既私立AD/HD仲有認受性o既話，唔該叫佢地攞o既實質數據出o黎比例o下啦!!!!

2008-07-11 16:42:30 補充：
得閒睇o下呢段新聞:
http://hk.news.yahoo.com/article/080303/4/6fk0.html

2008-07-11 17:14:02 補充：
http://hk.news.yahoo.com/article/080410/4/6da5.html

你會否考慮出國完成學位課程，在愛爾蘭就讀。