仲看唔看佢xanga好呢....

因為你中意佢 所以會想知佢的生活~

但愈知得多 而佢日記又無關於你的事

你就愈唔開心.....預期係咁

咁不如唔好睇啦.....但你又唔忍得喎~

因為你怕你一日無睇....佢果一日就打左d你唔知的事

聰明的人會揀唔睇 愚蠢的人就會繼續去睇

繼續去令自己傷心....

不過比著我 我都會去睇

因為真係好想知佢的生活 睇佢當日發生過咩事

但就盡量唔好咁上心囉

你鍾意佢,所以先想了解佢多d o者.我覺得無咩特別,而且佢將d事情打落xange都預左俾人睇架啦.你係佢朋友,當然可以睇呀.
我好明白你既感受,因為之前我鍾意左一個男仔,佢3年前同個女仔分左手,但一路都無拍拖,果時我地每個星期都見,佢做sales的,每星期只有一天假,但都俾左我,關係跟你說的一樣有點曖昧,但男仔就係咁,永遠鍾意攪呢d,左右逢源,最後我發覺原來佢只當我係朋友,每一次我睇佢xange,見佢講同之前個女朋友幾好幾好...我就好難受,點解3年後都唔可以忘記佢.
但我覺得曖昧不能一世呀,你要爭取你既幸福,試下主動一點,如果真係唔成功,起碼你盡左力,亦唔會令你浪費時間,呢個世界又唔止得佢一個男仔,可能日後俾你遇到更好,或者你身邊一直有個對你好的,你唔發覺呢?無之前果個男仔,我都唔知原來我身邊一直有個更好呀.所以...你都要加油呀!!

我認為睇佢ｘａｎｇａ唔係最掛住佢嘅原因，係您一直個心放唔低佢，才會藉著『ｘａｎｇａ』嚟安撫自己罷了。
您可以繼續睇，您甘樣就可以知道佢一日嘅心情同埋佢係做咩，當佢寫自己好唔開心嗰陣，您可以打電話比佢，佢寫想行街嘅時候，您就約佢去行，完全做哂佢所要求嘅事，甘我諗好感度會增加了。
＋油＋油！

希望小小的個人意見幫到您。

我曾經都係咁..日日睇我暗戀既女仔ge xanga.
就算佢冇寫新野..但係我都一直睇佢d舊ge日記..
..有時睇睇下會因為d內容而笑....但係就愈睇愈唔開心...
唔開心到某一個地步..就熄左佢唔睇....又到突然好掛住佢..好想知道佢呢排做過d咩....又會睇佢xanga..最後又係唔開心咁熄左佢..
我諗係暗戀既人既日記入面....
我地最希望見到自己個名..見到自己係佢圈子入面ge一部份.
仲有..見到佢活得開心...就夠啦.

如果你想忘記佢 未唔好再睇lo~
如果係可以恨下心唔睇ge...耐左..自己心情都會好 d ge
點都好啦~~我鼓勵你係放棄之前 勇敢表白
至少俾佢知道你係愛過佢ge

I think that you should you should continue seeing his xanga, and also understand what he is thinking , and also encouage him to ask you out~