有關在HSBC換購之三星LA40M86BD型號LCD電視機之運作及質素

唔關電視台訊號問題.由於LCD電視本身對比度唔係咁高,所以發展咗一套跟據畫面內容光暗成份多小而自動調節電視機亮度的動態對比度技術.畫面光亮位多就加強亮度等畫面夠光,畫面暗位多就自動降低畫面亮度等黑位夠黑.所以你會發覺面版對比度同動態對比度個數字會差好遠的.
不過副作用就係出現你講嗰種應該光既地方例如字幕,台輝等都變暗的問題.
你唔鐘意的話可以去設定度關咗佢,手頭上冇你部電視既說明書,但我諗大部份Samsung電視都差唔多,你可以入menu,選TV,選詳細設定,選動態對比度,設定做關就得.
關咗之後畫面光暗就唔會變來變去,但係你預咗暗場時黑位會冇咁黑,有小小灰.

2008-07-14 08:47:34 補充：
關閉咗動態對比度就唔會出現自動調節光暗的問題,如果仍然覺得唔夠光就要調節整體的亮度及對比度.你可以選擇標準模式,唔好揀劇院之類,因為嗰啲係預你熄燈睇的.播一個有字幕或者台輝等有小亮白色光畫面的暗場的定鏡,較到啱心水為止,但有機會整體光亮畫面時會太光.唯有重覆調較搵個平衡點.
另外最好檢查一下關咗動態對比度之後有冇儲存設定,我恐怕有機會係其實冇關到.

我都想換 Samsung 電視 LA40M86BD. 用過後有什麼評价，請給點意見。謝！