時間既問題..不明白

樓主好有心，問左一個非常深奧同埋困擾左好多哲學家多年既問題，小弟當然唔敢講我既見解就係呢個問題既答案，以下係我既意見﹕

時間呢樣野本身係好奇怪既一個概念。究竟時間係咩情況之下先至存在﹖係唔係一定要有計時既儀器先至可以話時間存在﹖但呢個觀念明顯錯，因為古人無鐘都會感受到時間既流逝，因為自然入面唔同既現象都會話比你知有時間呢樣野。例如人會隨住時間過去而衰老、生物會生長、地形人物會改變等。雖然係咁，但時間既流逝係必需要有參考事件做比較先至有意義，例如你要連續觀察到人既衰老及生物生長等事件，如果無呢啲參考事件，咁時間可以話唔存在，係呢個情形下你最多只可以話有時間呢個概念。講個比較簡單既例子，唔知樓主有無試過瞓覺瞓左好耐，發埋夢，然後起身之後有一刻唔知自己係邊同做緊乜，跟住連嗰陣時係幾點鐘都唔知﹖呢個經驗好多人都有，原因係我地瞓左好耐覺之後我地無連續觀察到自己屋企及屋外既變化，醒後發覺身邊既環境同未瞓之前差唔多，所以就感覺唔到時間既過去，於是就唔知幾點鐘。當然，你可以包拗頸話時間其實存在，只係我地觀察唔到。無錯，你瞓左既時候時間只係對於其他無瞓既人黎講存在，但你瞓著既時候時間對你無意義，即使你係醒左之後你會知道自己瞓左幾耐，但事實係你要醒左觀察過週圍既環境先至知道你瞓左好耐。同一道理可以應用係宇宙未出現之前既狀態，嗰陣時跟本就無任何物質存在於虛無既空間中，所以亦無連續變化既事件，所以我地可以話時間係宇宙出現之前唔存在。

我覺得樓主認為宇宙之外要有一個空間比佢膨脹係啱既，但嗰個空間係乜﹖當然係無人知，不過我認為嗰個係一個完全無任何物質、事件及時間既終極虛無。呢個“終極虛無”係指邏輯中既任何概念及任何物質都唔存在於呢個無邊無際、無始無終既空間之中。講得簡單啲，就係任何你知道或唔知道，唸到或唸唔到既野都唔存在於呢個空間之中，總之就係徹頭徹尾既虛無。

好深奧= =