應該點做好呢，換馬那個做法是啱還是錯？？？？唔該比ｄ意見

看你的組合和買入價,不知點反應先啱,主要是你買既全是好股,證明你有做功課;但看大部分買入價,又想為你一哭.
無論如何,恭喜你在此市道低迷時持有的不是小炒股,而全是其行業中最有實力的好股.先粗略評論一句:你只是以超前一至三年的價格買入而己,有得守.
我以你係投資者而吾係投機者既身份答下:
#５:你既買入價,如跟現價比較,自然揼心,但市價是否是真正的#５的價值?個人不同意,#５是極度偏低的,佢只係在全世界吾睇好金融的大環境下受到很大影響而己,佢係有次按,但己明朗化,即係佢吾會同貝爾斯登一樣要埶笠,同樣賺大錢.你既買入價,吾止吾高,反而係幾低.強烈建議以買入價跟#５長相厮守.

#３２３:受原材料價格高企影響,佢有排捱.股價幾時大昇,要睇原材料價格會否下降,真係天知道.商品大王羅杰斯就睇長期都吾會下降.好在呢隻你既買入價都吾係好高,現價１１倍ＰＥ賣出吾抵,如真係吾想守,等下一次炒上先平手或蝕少Ｄ先賣.
#８５７,#１８９８:呢两隻原本理論上可以跟#３２３做對沖,可惜大陸仲吾係完全自由市場,原材料價格價上昇,但政府吾俾佢加價賺大錢,柰何?個人建議反彈就走,股神都走左#８５７啦,你居然同佢做對家對賭,好勁啊你....
#１８００:又係好股,買入價高到有Ｄ...近期回本無望,真係要止蝕都等個市彈高Ｄ啦,點解上次彈上２萬六千時冇走,依家先至...
#１８９３:好股一隻,買入價較高而己,你睇下依家個市跌到阿媽都吾認得,佢仲有３０倍ＰＥ,就知佢勁.近期要彈到你個位都吾使點指意啦,但你愿意持有成年既,實有見家鄉日子.建議持有等昇.
#９３９:你都睇到個市稍好,佢即彈到接近你既買入價啦.其實真係要問你一句:你買得#５仔既人應該係長線投資者啦,呢隻受市道影響而己,你買入價又吾貴,要短炒我冇野講,長渣吾怕喎.
#２６２８:保險公司都係收到客戶既錢跟住拎去投資,如買股票等等,佢投資部分資金既大陸Ａ股大跌,佢雖然係好低位買既,依家都有賺,但賺少好多,導致佢股價都跌.但呢隻大陸市佔率最高既保險股,每年大把新錢收入,長持冇有怕.好樂觀講,股市又炒既話,明年又炒上你既平均價都吾奇.吾炒既話,等公司正常發展賺錢,後年都好大可能到價.建議長持收息等運到(明日又派息,少少Ｄ好過冇),現市價太低了.

方法有二,一待指數反彈上24000至26000止蝕再待指數回吐至19500至22000才再買入.二待真正牛市重現止賺.但方法二需要足夠耐性守幾年.可惜方法一也需要好高EQ同勇氣.

2008-07-12 01:04:36 補充：
經此一役1893,你該知道大戶當初趁好消息出貨,而你當初接左貴貨但蝕了10%都未止蝕,到現在大戶趁市差在慢慢收貨,才令你壯士斷臂相當不值.當初高價買貨只能投機,10%要止蝕.現在買貨才可當投資,但投資也要控制風險,需分注買才會降低成本.同埋你要了解PE代表貨是貴還是平,才定何時值得入貨.汲取教訓重新開始啦.