15-16歲時有感化令 現年21歲已在夜校中7畢業 可以投身紀律部隊嗎?

如果你當年15-16歲犯過事，
警察安排你警司警戒的話，只要到十八歲，你係可以話自己冇案底的。不過，呢個警司警戒的記錄係會永遠留O係警察既檔案度。
然而，如果你當時係上過法庭，法官判你有罪，要你接受感化令(即係要守老感)，咁你就肯定是有案底的。
所以，你要唸清楚當年係警司警戒定係在法庭判感化令。

另外，呢個年代仲駛唔駛查三代，其實唔同人有唔同講法，有 D 話要，有 D 話唔駛，但係，其實呢 D都係人傳人，警方跟本並冇正式回答過呢個問題，所以，大家爭論係冇意思的，因為跟本搵唔到真正既答案。

如果你只有夜校中七畢業，但冇考過會考的話，你係唔合資格申請做海關、入鏡、懲教的，因為佢地要求會考五科合格。我建議你一係考番會考，考番五科合格番來。一係就讀毅進計劃，讀完的話可以被政府認同為已經有五科合格的資格 。

"海軍陸戰隊槍炮士官"叫你考個政府的專業試，可能係指 叫你考一個叫 CRE既試，呢個試我都有考，仲合格左，但係你要清楚，呢個試係唔等同會考五科合格的。

最後，如果有心考海關、入鏡、懲教，請作妁下準備︰

(1)盡量操 FIT 自己的體能，因為入職要考體能，包括跑步、SIT UP、立定跳遠等等。如果體能唔合格，會被即時取消資格。

(2) 盡量操 FIT 自己的英文，因為當你體能果部分合格左，下一步就要面試，當中包括中英文既對答，好多人都係肥呢部分。

如果你有足夠既學術資歷(最底會考，但最好有大專既資歷)，再操 FIT 左自己的體能同埋英文，咁你得唔得，就只係運氣既問題了。

希望幫到你！

首先係入境唔係入鏡
同埋你有感化令, 係無案底, 但有紀錄在案, 底已經花左, 機會幾渺茫
而且考紀律部隊要查三世, that means 要查你三代(你, 老豆, 呀爺)
你如果考唔到CEE同AL, 可以選擇考公務員事務局舉辦的入職資格試
查自己有沒有案底呢樣呢, 平時係查唔到, 只有向出外留學/移民時可以查到, 亦係所謂的良民證

2008-07-11 10:46:55 補充：
感化令最主要係想你改過, 等你可以向有懲罰(比感化官um)同時可以唔留案底, 等你可以出身/改過自新, 又點會留你案底?