貸款冇還過

樓主無需抱怨！你呢度稍為提及貸款或借錢等字眼，財務公司廣告就會好似聞到血腥鯊魚咁撲埋，你根本無從招架！
言歸正傳，你以前曾經借過財務公司錢而又無還到？咁佢追唔到你還你就梗係搬走啦！
當佢呢一年因為無法同你接觸同追數，但佢一定曾經追過，祇係你唔知或無理到。要知按法例錢債的追討期限七年，即係話呢七年內唔好畀佢搵到，七年後佢已經喪失繼續追討法律理據。
出境方面絕對無問題，人權法框架下面，你就算欠稅務局同法庭錢，佢都唔可以限制你出境，何物小小財務公司？
咁因為你有壞帳紀錄中央信貸資料庫(你欠債的財務公司一定會將你欠債紀錄擺上去)，呢全香港銀行同財務公司都查得到。所以銀行儲蓄戶口就兩睇，支票戶口同信用卡就一定唔使諗啦！
另外你男友出附屬卡畀你問題？你以前欠數一定唔會上佢身，呢點你大可以放心。但係我相信銀行都唔會批呢張附屬卡畀你，因為你始終有欠債紀錄。莫講話你無還過，我破產令解除後有正當職業同固定月薪，我太太有十幾萬定期存款，佢一樣唔肯批張我太太名下附屬卡畀我！而你更加係仍然畀財務公司搵緊情況下，假如你真係遞表申請附屬卡，咁你申報身分證同個人資料，會唔會影響你男友的信貸紀錄，同埋畀人順籐摸瓜搵到你我就唔敢包！算罷啦，無謂麻煩其他人啦，唔好諗信用卡啦！
個人意見！未必正確！希望可以幫到你！
圖片參考：http://tw.yimg.com/i/tw/ugc/rte/smiley_35.gif