唔該! 我想問點樣用skinfood隻蘆薈bb cream

點樣用skinfood隻蘆薈bb cream(#2深色個隻色) 先唔會咁厚、唔會咁白、仲有會貼面d..仲有唔會一達達..個妝冇咁易溶呢?
搽o既時候薄薄一層已經得，如果想貼o的，用海棉係面上印效果會較好。
- 搽完駛唔駛等15-20mins先上粉餅個d?
如果面上o既瑕疵唔係咁多，用左bb cream可以唔再搽粉餅，唔係o既話，個妝就會變得太厚。如果真係要搽粉餅，冇必要等15 - 20分鐘，立刻搽已經得。
- 係咪搽完bb cream 之後上碎粉會好過用粉餅?
搽完bb cream之後上碎粉，個妝會比較薄，而且可以冇咁易溶妝，比起用粉餅效果會更佳。
- 咁你知唔知邊隻碎粉同粉餅會較控油同保濕..持久d個妝..?
一般碎粉都係只用作定妝，冇咩分控油或保濕，就算係話明保濕或控油，效果都唔太顯著，所以想控油或保濕，選擇合適o既bb cream較重要。
至於粉餅方面，好多牌子都有出持久、控油或保濕o既粉餅，但係好少會兩樣功能都有。想要持久控油粉餅，lancome o既粉餅係唔錯o既選擇。想要保濕粉餅，covermark o既粉餅就非常出名。
- 同埋知唔知邊隻bb cream會搽落去薄、保濕、控油?
skin food o既蘆薈 bb cream比較滋潤，如果你想控油同遮瑕高o的，應該用銀杏bb cream。