中三選科的問題！

Hello..我而家讀中四，亦係讀文商科(讀世史、旅遊、普通話同會計)
其實你話你自己本身數學唔好，
比你讀到理科其實自己都辛苦，
所以其實你而家讀到文科都唔緊要呀，
可能會對你仲好。

首先，其實你唔好怕左文科先，
因為如果你認定一樣野唔好，
咁就會讀得唔開心呀!

我唔知你讀咩科目，雖然的確係會有好多野要背!
但係唔好怕呀!背野真係可以熟能生巧，
我初初背野都唔係好得嫁!
不過背得多，而家就會好輕鬆。

其實呀，歷史唔會悶呀，
因為你讀歷史你真係會識到好多野!
D人成日都話讀歷史好似聽故仔一樣，
其實都係嫁!!不過你真係要享受佢!

至於歷史資料題，當我初初接觸，
我都係唔明唔明加唔明，
一百個問號打係個頭度，
但係經過一年中四之後，
我已經掌握到個個技巧(由上學期次次Test唔pass變次次pass)
其實只要你掌握到個個技巧，可以話唔難!
都係態度正面負面，之後講下人名，歷史事件!
最緊要係你真係要背熟D野，

我唔知道你間學校係中三有無比你試讀所有科目，
我既學校就有，
我同你一樣，數學好差，
(對科學其實都OK有興趣)
但係我發覺真係好辛苦，
特別係PHY，你唔識計數真係好難受..
BIO個D一樣要背野!!

其實分別唔算好大呀，
係性質唔同JA.....
最大問題係你既心態呀!
比D信心自己，加多小小努力!
點會唔得AR!

我數學也不好，對背誦亦不擅長

以前次次數學都唔合格

我讀文商，中四時讀acc econ geog 同 中史

我都讀到　但係你一定要有邏輯

其實文商不用數學好，真的不用，只是+-x\

反而理科要，縱使你唔讀amaths　phy chem 全都要有關

唔好以為理科唔洗背　文科就一定要背

中四讀既理科同以前好唔好　唔好以為唔洗背就可以理解到

冇資料在手點都運用唔到

建議你上堂要聽書　就算個老師照書讀你都要聽

因為聽人講比自己睇入腦好多

本人讀文科，中史地理。

我和你一樣，數學不好，對歷史,地理,科學都冇興趣。

我想入文商或商科，但是我其他科都不好。只有中文好，就被
人編入文科。

我的內心都是不滿學校安排，有時我會想，學校是否亂來，想
讀的又入唔到，唔想讀的就入得咁多，我地級當160人，有80%
的人都不滿自己現在讀的科目。

樓下會員的說話，我也同意地理放入理科比較好，地圖真是很
難明白，又要我們在地圖上找線畫線，但我從來都不知道到底
做甚麼。

的確，中史當故事看，趣味多一點，讀得好一點。可是很難把
中史當故事看，因為有太多資料要記，只是不同朝代的官名職
位名，哪人做皇帝，為何是他做，他又做過甚麼事是好是壞，
對於其他人又是如何，之後又要同其他人對比，哪個比較高明
。

就算是考試上，寫足五行，一旦唔中重點，都是得1分。

培養對佢地既興趣~
不過升學係以興趣為先...你唔係有興趣...點讀都讀唔落去...
所以我勸你轉校

我好同情你既處境~~

其實你在好的一面去看~~
你說你的數學不好...... 那讀理科會更辛苦~
因為phy, chem, bio都不停地要計數~~

歷史要讀得好~~ 其實你可以當佢係故事書咁睇~~
發生每一件歷史事件, 都一定有前因後果~~
當追小說咁追~~
睇下這件事發生, 是否因什麼原因?
又當是看偵探小說般去睇~~ 那應該會更有趣~~

而地理方面, 其實我一直都覺得地理既內容, 其實應該放在理科, 而非文科, 因為地理有好多探索地圖, 天氣等資料~~
在地圖閱讀方面, 又要不停地計數同做測量~~
雖然好似有d 難, 但當你投入下去時, 就會找到當中趣味~~
研究火山, 石頭, 天氣, 地理環境等, 其實係好好玩架~~

讀書其實不一定要死讀, 可以有好多方法去記去學~~
好似記憶聯想法, 即一樣野, 聯想到另一樣野~~
亦好似數字記憶法, 即記曬有關既數字, 再去幫助記下其他資料等~~

你都未開始就話自己唔得...... 點可以咁沒信心架??
其實悶唔悶, 係睇你點睇既啫~
當你享受, 投入去學習, 就幾難既野都會變得好玩唔難架啦~~

你試下啦~~
希望我講左咁多野......
可以幫到你啦~~

上堂戈陣做好筆記囉...
其實1個人ge心情係好緊要...
我係1個例子
上年..我讀高二...好多堂都訓教...覺得好悶..
尤其係英文...佢上堂10堂有8堂我都訓
但係哩幾日返高三夏令...我即使訓得3個鐘..係學校都唔眼訓
我放左d心機落去..抄筆記...聽書....即使係冇興趣...都比個心去學
算係比以前好左啦...希望哩d經歷對你有用啦^^