我應該點選擇...重讀會考好嗎?!

我今年20歲喇,4年前掛住玩,唔讀書
出席率低,學校唔幫我報會考!!!

冇學歷,搵工好難
對比我家姐,佢大學畢業,一出黎搵工就2m2蚊一個月
我的起心肝考返個會考!!

我之前都好似你咁,想讀返中4
因為d野都唔記得晒,點考丫?
後來同d舊同學傾,佢地其中有一個以前讀過某間私校
佢話我知,原來私校會教晒2年(中4,5)既野!

於是就報左名,讀一年私校 (英x教育)
而家等8月4日放榜

其實都好驚自己唔夠分讀上去...
而且我本來係理科生,但係報名既時候,學校話理科full左
我就轉左讀商科,因為我今年再唔讀返,我屋企人唔會再比我讀


讀私校最緊要自律,人地玩,你唔可以玩!!
因為半年(9月至3月,之後考mock)要教晒中4,5的書 ,冇可能教得晒
老師會先講重要的,會考成日出的內容,marking!!
所以唔洗擔心,比心機的話,合格唔難
而且學校有做補習班,所以筆記都做得幾好!
又唔洗自己買書
報補習班有得平( 建議你報 )

我自己讀中英數,商業,經濟,地理,會計
(只有中英數之前讀過,其他科都係第一年讀)
我唔敢話自己一定升到上中6
但係上網對過會考MC答案,都唔錯
答對題數: 數學 50/54 (有補習)
商業 30/40 (之前未讀過)
地理 36/50 (之前未讀過)
經濟 45/50 (有補習,raymond教得好好,我未讀過都咁好成績)

相信你都明白,冇學歷好難搵到好工,
如果你真係想讀返書,
你真係要好大決心!!唔係好易比同學影響!!
有一D人真係返去玩嫁!!完全唔係讀書!!!

咁你不如試下報中專文憑精修課程啦…(因為呢個課程合適一d會考低分既同學仔)而且入面都幾多野讀架~
可以留意以下網址有冇最新關於青年學院招生日的詳情: http://www.vtc.edu.hk/vtc/web/main/home/studying.jsp?fldr_id=15&lang=tw
申請程序可入去呢個網站: http://www.vtc.edu.hk/vtc/web/template/text.jsp?fldr_id=1857
課程內容你可以睇返http://www.vtc.edu.hk/vtc/web/template/yc_course.jsp?fldr_id=862

我同你一樣,都係19歲既時候想讀幼兒教育,因為我本身只係讀到中3,符合唔到條件,
所以我朝早番工,夜晚番夜校讀中4,,,,e+等梗放榜...
講真,如果想係真正讀好書,就會真係好辛苦架,因為大部分精神擺晒係工作,之後仲要留心聽書,係好累既事,,
仲有丫,夜校既師資始終係麻麻地架ja,我科科都要另外補習....因為我地既番學時間係比日校少好多,所以自己要比人地落多d心機...
不過如果係真係有興趣讀幼兒教育,有果份堅持就好快可以渡過架喇~
話咁快就考完會考喇我,其實會考唔難的如果有溫書,同埋我覺得有心就唔怕遲...加上毅進同張會考張full cert比,梗係full cert好好多,
毅進個夠始終唔好聽...加油呀!!!!

我好多朋友都話IVE既花時間又浪費錢,又上不到大學, I suggest you 報讀HKUE d英文(IELTS/TOEIC)/Marketing/Hotel management/Facial/Investment/Nutrition或高級文憑(Journalism/marketing/Hotel).... etc, 而且保证於三年內一定拎到大學Degree(usually澳州), if you are interested,可在[email protected](email)或[email protected](MSN)聯络本人or call at 69704518/35870351, 我一定提供最好的出路俾你。