養魚, 水好快變得污濁(急!!!)

我想了解你個缸有d咩設備~

令d水混濁既可能唔關濾水器既事,
泥底、沙粒、沉木等等都有可能令水變濁~
另外,
新魚缸係開缸無耐都可能會出現白濁既情況
原因係硝化細菌係魚缸度開始生長
硝化細菌 ( nitrifying ) 是一種好氣性細菌，能在有氧的水中或砂層中生長，並在氮循環水質淨化過程中扮演著很重要的角色。它們包括形態互異類型的一種桿菌、球菌或螺旋菌。屬於自營性細菌的一類，包括兩種完全不同代謝群：亞硝酸菌屬 ( Nitrosomonas ) 及硝酸菌屬 ( Nitrobacter )。

亞硝酸菌屬細菌一般被稱為「銨之氧化者」，因其所維生的唯一食物來源是銨，銨和氧化合所生成的化學能足以使其生存。什麼是銨？這須要解釋一下。其實銨是一種氨氣 ( NH3 ) 溶於水中所生成的陽離子 ( NH4 )，因為它在化學上的行為就好像是一種金屬離子，故命名為「銨」。氣體的氨具有刺鼻的臭味，而離子態的銨則無特別的氣味，故很容易加以辨認。

在有空氣存在時，銨可被亞硝酸菌屬細菌吸收利用。它們將其氫原子氧化成水，用氧取代之，所以銨變成水及溶於水中的氧化氮，後者化學家稱為「亞硝酸」
(from: http://www.miobuffer.com.tw/fishworld/199901/15.htm )
其實你d水混濁唔關魚糧事既,
魚糧可能會影響到水質,
但係如果d魚無食剩的話,
魚糧係污染唔到d水嫁~
我諗你再睇多幾日,
睇下個缸變成點先~
又或者你重新搞過呢個缸,
你養住水先,
過一至兩日後重新換養左既水入去,
養3/4既水,
留返1/4既old水~
換完水可能會再清返嫁啦
新落既沙如果未清洗乾淨,
會有塵粒同粉嫁~
另外,
你隻沙只係一般砂粒(碎既彩石)
定係水草泥????
如果只係一般砂粒,
咁係唔會令水變濁,
但水草泥就會係落泥既初期令水變濁一段時間,
靚既泥就一、兩日啦,
唔太靚既就要幾日~
白濁情況係因為魚缸生長緊硝化細菌,
所以多數係新缸先會出現,
用開既缸唔會再出現~
而養益菌係可有可無,
所講既益菌就係硝化細菌~
要養佢地就要有濾水器,
而濾水器內亦要有生物環先得~
你先開個過濾器, pump , 養左水2日先放d魚落去
係好正確,
養完水先放魚就無錯嫁啦~
部分人士會買一、兩條魚做死士,
先放佢地入魚缸度,
睇佢地有冇事,
無事就代表d水無問題啦~
其實混濁都可能係有d物質浮起左姐,
等幾日都應該會沉返落魚缸底~
你3日換一次水,
太過密啦,
最好一至兩星期換一次,
每次換1/3至1/4既水,
果d水都要養一至兩日先用得啵~

你o既問題，無錯，在於新缸。
雖然你只係講「污濁」，但我估你o既情況係「白濁」。
魚缸初加水，如果係用砂的話，有機物唔多，但怕且都有ｄ，呢個情況會引起微生物大量繁殖。呢個就係新缸水變得白濁o既原因。
你所講o既「養益菌」，其實就係等於建立一個硝化系統，其實係指一個細菌群落。呢ｄ細菌統稱為硝化細菌。水中o既有機物被微生物分解，硝化細菌就會將佢地產生o既廢料分解（將阿摩尼亞變為硝酸鹽），到微生物數量開始穩定、減少，水就會由白濁變清。
但係其實你唔加魚入去，即使過濾器行左兩日，其實主要作用等於除氯，因為有機物用完，菌冇生物屎尿做食物，就唔會繁殖到好多。呢個亦係一般開缸都會加一兩條粗生魚入去o既原因，作用就係俾屎尿ｄ菌。
到你加魚入去，ｄ水突然多左有機物，就會令微生物大量繁殖，好似第二次開缸咁，所以就會再「白濁」過。
一個一尺缸，我相信水量唔會多過１５升。以紅劍一般都超過５ｃｍ長，６條就至少有３０ｃｍ，而參考數字係１升水養長度１ｃｍo既魚，即係你都應該係超養架啦。其實新缸唔可以放咁多魚，因為呢個期間硝化菌數量不足，水質亦唔穩定，根本俾唔到適合環境ｄ魚。如果你一次加好多魚，好可能會o係呢個期間死亡。
我建議你餵糧餵少ｄ，隔日餵，以免屎尿太多，o係硝化系統未ｏｋ時處理唔切屎尿毒死魚。三日換水一次都o岩o既，但緊記必須用隔夜／除o左氯o既水，以免再衝擊硝化系統。
如果唔係濾水器出水打起ｄ屎粉，我相信以上就係你個缸水濁o既原因。靜觀其變，等下啦；但最好換個大ｄo既缸，尤其是紅劍好易生．．．。
另一點，紅劍跳缸都幾常見，細缸又多公就要小心。

有冇10尺長咁大,係10寸呀?
1.缸太細
2.濾水器唔夠力
3.冇落沙
4.魚糧問題
如不想換缸,加厚厚幼沙石,要加活性炭,再唔得或換過濾水器,唔好餵太多魚糧,會令水質變得污濁

水好快變得污濁以下原因:
一. 缸細魚多空間不足.
二. 魚糧過多在缸底.
三. 過濾器流量不足.

以上主要三點,你是否其中一點還是三點都是.
如以上三點都不是請加以形容及補充多d資料.