我ge倉鼠唔訓覺..(20分)

倉鼠都會有失眠既時候,多數因為感到壓力,受驚,分唔清日夜就會難以入睡,新買鼠可能係未習慣而受驚,如果長期係咁,就需要睇醫生進行藥物治療先處理得到,當然最好係未嚴重時處理左主因先啦

不過你講既情況未必一定係失眠既,唔知你每次既觀察係多定少呢?又會唔會多數只係某一段時間睇?鼠鼠大多數時間都係夜晚活動,但其實日頭都唔係完全會訓覺,成日都會起身玩下食下之類,同埋會唔會你行近佢睇佢時佢先咁?鼠鼠有時會幾醒訓,一有d聲就會醒既

而家可以留意返以下既事:
1)最好就多d分別唔同時間去留意,遠距離既觀察會睇到更多鼠鼠平日正常既活動情況,我就買左個望遠鏡去睇鼠鼠既
2)如果有第隻鼠就要分籠,鼠鼠係獨居動物,有第隻鼠一齊都會好易會感到壓力同受驚,而且兩隻鼠仲好易會打交
3)如果有第籠鼠,最好都係同第籠保持距離,兩籠鼠太接近,鼠鼠都易感到壓力既
4)檢查鼠鼠身體及排泄物睇下有冇異常,有事就要盡快處理;除左檢查外,就唔好打擾鼠鼠,唔好抱鼠鼠住,等鼠鼠情緒定d先
5)留意鼠鼠飲食同活動有冇異常
6)天氣開始熱,留意鼠鼠會唔會感到太熱,熱既時候可以用少d木糠,買鼠用既散熱板,同埋用風扇遠遠地吹
7)日常既光線正常,令鼠鼠分清日夜,避免日夜分唔清而失眠,唔好用布之類去蓋住籠
8)留意日頭鼠籠附近會唔會較嘈,鼠鼠見光先去訓,有時日頭較嘈又易嘈住鼠鼠
9)放多d鼠糧(乾糧)俾鼠鼠,增加安全感
10)到鼠鼠正常返d之後,再俾佢靜多兩日之後,可以試返呢個方法,慢慢同鼠鼠再熟返,唔好太心急,唔係反而對鼠鼠唔好:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

我想你一定做了一些事情令牠受驚過度~或初初黃金倉(布丁鼠)去到你屋期很happy所以唔行,唔食野,乜都唔做囉!!!

唔洗咁擔心,我以前養過,剛剛買佢係怪怪地,但其實佢唔係唔訓,佢可能係唔慣,佢係動物點都會休息既,所以佢同你耐d,你可能會見到佢訓教,到時仲可以搞下佢,玩下佢呀!
佢可能你日頭訓,我以前睇書講倉鼠要成日訓教,佢應該唔慣新生活呀,
努力d養呀=]佢夜晚鍾意玩轉轉個個玩具嫁=]

因為佢都唔眼訓....
佢有無同你講佢眼訓先??