否有窗口式冷氣機係唔滴水

現時在市面出售的任何牌子細匹數窗口機，其設計是有自動蒸發功能，但有些用家要將冷氣機的水份從機的排水孔排出機外，因怕機体長期被水浸着會易生銹而影响機體壽命，從經驗所得，大部份牌子冷氣機若使用自動蒸發，两年內已開始有銹蝕，機尾散熱網底層的鋁片已見有霉爛（因長時間浸在水中加上香港空氣污染又受落酸雨的浸蝕而導致），若有接駁排水裝置，部機的狀態好好多，機体較耐用。香港環境特殊，高樓大厦多，而冷氣機滴水是犯法，有些樓宇又冇冷氣機去水喉的裝置，所以大多數用户都讓部機自動蒸發，唔滴水落街就算，冇考慮上述問題。希望幫到你，祝：生活愉快！

冷氣機有冇滴水同安裝時斜水既關係唔係最大, 而係視乎有冇裝去水喉, 如果有裝, 水會沿去水喉流走而唔會滴落街. 另一仲情況係, 冇裝去水喉而又唔會滴水, 原因係廠方生產時將機底"水盤"位做高些小,令到水冇甘易流出, 之後就利用機背之散熱風扇既扇葉將水打起再吹到散熱網處. 此方法有兩個好處. 1, 冷氣機不用裝去水喉而又不會滴水. 2, 因水會被扇葉打到去散熱綱, 有助散熱同時令制冷效果提高及達到慳電功效. 但亦有兩個壞處. 1, 是因風扇打起水盤的水時會有聲, 而令冷气機較嘈. 2, 是因水盤長期積水關係而較生銹而影响耐用程度. 所以點選擇就應視個人要求及安装環境而決定

冷氣滴水原因是因後面散熱時便凝成倒汗水，冷氣開得越大，倒汗水越多，而倒汗水是沿底盤向排水孔流出，所以便滴水。現市面上有一種是無排水孔的冷氣機，它將水積聚底盤內，靠機件熱力蒸發，但這種機用久了而長期積水，底盤便會生鏽穿窿，同樣有滴水問題。所以最好穿窿後加個托盤由膠管順牆流下。而有排水孔的，於裝置時最好先預條膠喉，以免滴水後，俾食環署告你。

Panasonic 、 Rasonic 的窗口式冷氣機，功能講明唔滴水。

窗口式冷氣機的去水問題，係取決於使用者的意願，你可以讓它的倒汗水流走，也可讓它留下。

你會見到機底有一個開孔，通常係用一粒橡膠蓋好不讓入面的水滴出，也可把它拿走，用隨機附送的水兜裝上膠喉去水。

兩者的分別，不去水，好處係利用這些水快速地增強散熱效果，從而使冷氣快凍和製冷效果好一些。壞處係有水經常浸著機底，快些生鏽。選擇去水的話情況就製冷慢些，散熱效果差一些，用電會多一些，但機內無積水，部機耐用一些。

現在冷氣機已好平宜，一般會選擇不去水，取其最高效益和在沒有去水設備的地方使用，但日子久了，生鏽而令底盤穿洞就會滴水。

冷氣機唔滴水是正常的,
因為冷氣機後半部份的散熱器有蒸發水氣的功能,所以安裝冷氣一定向外輕微傾斜.
滴唔滴水,要視孚冷氣機向外的斜度,
如果向外太斜,水份未被蒸發便流出來,便會滴水,
相反,如果唔夠斜,水份便不能流向後半部,於是便積聚在機底,便會發霉.