真人真事,索償經歷

我希望所有發生左交通意外,而想搵索償公司搞cam錢0既朋友,真係要記住,千祈要考慮清楚一間叫國華行0既公司,應唔應該俾佢做,唔好因為佢0係行內0既規模都幾大,就以為佢一定可靠!本人就自己0既case,比較番其他公司0既服務質素,佢真係算好屎!上庭無人陪你上,得自己一個面對對方律師0既壓力,上庭前只會同你講,睇熟自己份口供就得,唔會有專人同你研究案情,教你講野,到單官司搞掂左,告入左對方,見律師,都係得自己一個人上去見,佢唔會派人陪你上去,上到去仲搞笑,個律師由頭問你攞過d文件,成單野又又頭問過,由意外到見律師都成五個月啦,都唔知佢地做過咩,點解個律師好似咩都唔知0甘,究竟國華行呢段時間做過咩呢?有無同律師溝通過呢?好啦,都未算,到有一日,國華行打0黎,話架車被對方飛左單,無得賠,我當時真係諗唔明,乜撞爛人地架車,燕梳公司可以任意飛單,唔賠架咩?如果係0甘,買燕梳做咩呢?好啦,我咪走去問身邊0既人,盡量搵番d比較熟識0既人問,先知原來會有飛單,但唔應該0係我呢單case上囉,0甘我就打番去問國華行,佢竟然答我,原來對方搞錯左喎,依家ok la,果刻我真係好懷疑佢0既專業,點解一d唔係0甘知我單野,只係我一問0既人,都知我單野無可能會被人飛單,而佢係一直跟進緊我單野0既,但就一時一樣呢?仲要未搞清楚,就覆個客無得cam!都唔只,仲要單野都搞左一年,先同我講醫院份報告打錯字,要再問醫院攞過,0甘成年啦,點解一直無人知0既?到我架車話cam到啦,對方賠啦,又話一定要車主上律師樓簽名先攞得,點解我朋友果間唔駛0既?人地果間好自動0甘入落戶口,我當時諗,人地買樓都係俾律師做0西啦,乜要自己上去搞架咩?又如果,個車主被人撞到唔郁得,0甘點上去攞呀?0甘咪唔駛攞錢?0甘我就問國華啦,佢仲好笑,跟住先答我,0係佢出面做見證0既情況下,係可以唔駛車主上去0既!我到左呢刻,已經忍無可忍,打去國華行,諗住搵個高級d0既投訴跟進我單野0既小姐,點知我打左三次,個電話都俾個接待員駁番去俾跟我單野0既小姐聽!點解呢間所謂0甘有規模0既公司,好似0甘黑暗,就連一個顧客0既投訴,都好似投訴無門0甘0既?希望所有睇過呢個故事0既人,會對你地將來搵索償公司有一定0既幫助啦!本人依家就事情0既進展,再諗下會唔會將我0既case俾過其他公司做,費事激氣,雖然0係呢個時候,俾過其他公司做,我一定要俾番一定0既費用國華行,但我真係已經對呢間公司無咩信心,講到尾,都係完全靠0西佢幫自己追討,試問0甘唔專業0既公司,點放心俾佢搞呢?