20點~~~我應該點做好呀??....到底我男朋友想點架??

首先是，如果把孩子生下你/你們有否能力照顧或者供養那孩子？
你要知道你們的一時沖動(可能是多次)，已做了一個小生命，雖然我不大讚成別人不要，但你亦要考慮現實的問題，不要再沖動做出不智的决定。

我相信你的男朋友不是不愛你，更加不是不想要，他可能只是以較理性的角度去想，作出這樣決定他也不想，他當然知你下次有機會沒有可能再生，但你又想如何？生下....如何養？這個問題要想清楚先，才去考慮要不要吧。

生BB其實都要好有計劃, 居住環境, 邊個湊小朋友, 點樣好好教育佢, 唔係生左出來就算, 壓力好大, 你兩個依家仲未結婚, 又要即刻籌備婚禮, 連升兩級, 其實壓力好大, 樣樣都係錢問題, 雖然窮有窮養, 貴有貴養, 但都係要錢!

我個人真係唔建議唔要個B, 但你要計下數先, 如果生左出來, 唔好好教佢, 仲會害左佢, 計劃好點樣迎接小生命, 如住係邊, 邊個湊(呢兩個係目前必須要解決的問題), 頭兩年每月用係個B身上最平都要1000-2000, 唔計打針, 睇醫生, 買保險, 仲有生之前身體檢查, BB用品, 計好數後, 同你男友傾下, 有左計劃, 佢唔會太大壓力, 可以嘗試一齊面對!

結婚方面如果你唔介意, 應該可以隨意一D, 預算可以自己控制!

如果真係冇辦法要, 你問下醫生意見先決定, 未必會冇得生, 但生BB唔係必然既事!

我比你好彩, 我啱啱結婚就有, 但我地都要計哂數, 有哂心理準備先去迎接呢個小生命, 依家BB已經8個月大, 好得意! 但真係多左野煩, 每日都要諗比D咩佢, 點樣教好佢, 佢一日幾餐都要諗比咩營養佢, 做左人父母都多野都唔同哂, 記住要做好心理準備!

（純個人意見）

最重要係您。假如您所講的，您好鐘意小朋友，您會唔會鐘意到為左佢而放棄您嗰個唔理您感受嘅男朋友？佢根本就唔明白您，佢只係諗自己想唔想要，完全無考慮過您究竟想唔想要。
另外，您嘅想法係比佢偉大得多，您諗下，假如您今次都唔要，您下次真係冇得再生，然後，佢先話要同您分手，到時佢冇損失，只係您受到重大損失，冇得再生。
我十分支持您所說補充說明嗰度：我起碼日後冇男人要我都起碼有自己子女陪伴。我相信您一定可以搵到比佢好一百倍嘅男人！支持您！！

希望小小嘅意見幫到您！

你呢個清況
其實有bb嫁女仔會可能有你呢d想法
不過我林佢係為你好!
一.如果不幸bb又冇左佢吾想你會又受多一次庝苦!
二.要一個bb吾容易10個月佢可能驚你辛苦
三.佢要俾幸福就一定要有一份好工!
4.一年感情佢驚會好似宜家d人甘會離離合合到頭又係個bb受苦!
5.你要係佢方面林林

我覺得你生個bb落黎好d.
雖然你生左落黎你男朋友可能唔要你,但係你唔生,你地一樣無可能係一齊.之少你生左bb,都有機會同你男朋友一齊,但係你唔生,到你結婚果時,佢啊媽啊爸一定反對,無一個父母容許無孫仔孫女.
所以你一定要生.
呢d只係我ge意見.

你係有權唔生個bb.因為個bb的生命係你地比佢ge,佢無得選擇.
不過,生命係你地比佢,佢一定好開心,但係點解要係佢開心果陣,囉走佢ge生命呢??你唔覺得咁樣好自私咩??

更何況,你都話你好鐘意細路咯.政係要個bb好啦.

我睇完你最後ge補充,相信你已經有左你自己ge決定了,所以按照自己的意思去做吧.

無論你點做都好,你男朋友會唔會同你分開都好.
希望你搵到你ge幸福.
開開心心生活落去吧

我己經30歲啦！20歲就同老公拍拖,第一年就有咗,因為年輕同冇經濟能力所以落左.第三年又有左,我好想要,不過另一半就因為經濟理由話唔好要.當時我好冇自主權,亦唔識得揾家人溝通.結果都係走去落左.好傷心,成日收埋自己係房度喊.第五年再有,果陣我哋都係冇錢,而我要求一定生佢出黎.所以我地好簡單註冊結婚就算.當時我先生係冇喜悅可言,可能佢覺得要負責任.生左個仔好開心,我老公好錫個仔,做人老逗先知道小朋友俾佢快樂.可惜我嘅小朋友2歲多就重病過左身.上個月我發覺自己有左,個胎唔穩定流血,當個醫生話個胎保唔住果陣.我喊到差d暈左.個醫生仲安慰我話我後生大把機會.
妳係中意小朋友嘅肯定要生啦！佢係一条生命黎架.

你好想要個bb已經肯定, 唔使多講; 你男朋友唔想要bb, 亦係非常肯定, 所以呢兩個問題已經唔使討論.
問題係你擔心細唔仔出世無爸爸會唔會對佢唔好? 我可以講你知, 即使今日你逼到你男朋友同你一起承擔個bb, 他日佢一樣可以後悔, 到時同你離婚, 你個仔/女一樣無爸爸. 最好的例子就係肥肥同欣宜, 阿肥姐當年有左個女, 一樣留唔到個老公, 即使後來哄到秋官睇下個女, 阿肥一走, 秋官就唔見影, 而家欣宜講返以前, 其實佢一直同無老豆無分別.
其實最緊要係你有無能力養大個bb! 如果你係有信心的, bb有無爸爸一樣可以幸福! 好似同肥肥同期有個女的甄妮, 佢從來唔打算要為左同個女去揾個老豆來俾佢幸福, 佢個女而家仲開心過欣宜, 起碼一開始無期望, 亦唔會失望.
其實前人有好多例子可以俾你睇到, 仔女唔一定有齊父母先幸福. 反而有d人以為要維持一個完整的家係對仔女好, 勉強一齊, 搞到大家仲辛苦, 對仔女亦唔係真的好.
希望幫到你

生與養...從來都係兩個問題...
其實我覺得你...唔應該生...
個人其實絕對反對墮胎!!!
有幾點令我覺得你,同你男友...都毫無責任感...思想考慮上未夠長遠...
1.婚前性行為
2.婚前不安全性行為
3.你男友唔想要,但又要唔做安全措施
4.你...想生...唔係因為你準備好而想生...而係因為今次,可能係"尾班"船...抱住一個"生左先,分分鐘冇下次"既心態...

我覺得幾心寒...

第1點:婚前性行為...可能對現代23歲既女人,係好好好普通既一件事,
婚姻,可以係一張紙...包含住虛無抽象的承擔,包括住兩個陌生異性:互守一生,生育教養下一代的承擔...
第2點:情到濃時,就咩唔帶唔做...兩個話上就上...
但卻沒有考慮過事後風險...做事不計後果...
性愛大過理性...跟野獸,有何分別?
第3點:你男朋友說愛你...卻一點不照顧你...
做愛就識...帶套就唔識...
射精就識...承擔後果儲錢就唔識...
落仔就識...養仔女就唔識...
我係男人...但我覺得呢個唔係兄弟...正契x...
第4點: 噢噢...件衫絕種Last一件...加加加大碼都老死要左先...
買橙咩小姐?而家講緊係責任...養與教,都唔係一件易事...尤其係現代社會...物質豐盛,感情親情幾乎已經薄過紙...如果你仲抱住一個"生左先算"既心態去迎接新生命...
我可以鐵定咁同你講...你教唔夠5年...你只會覺得你面前總有一個煩惱o係你面前阻礙你!...而你亦會失去教育既耐性,慚慚o係教罵既語句中表現出,你對你現時視之如寶既親兒女,一份厭惡感...
(呢點係根據你處理呢件事既行為動機,推斷出黎既性格藍圖...加上對未來社會中人與人感情發展方向估計...而作既結論...)
-------------
上面大致都講明你兩個23(Less or more)歲成人做愛前,做愛後,生兒育女一少部分既應有責任...
至於你點決定,個人唔想多加干涉...

我可不想成為"落仔屠夫"既幫兇,或者"變態媽媽"成魔之路既踏腳石...

2008-07-10 09:43:26 補充：
說到底...
你依然係:因為我想要
(理由可以有千百個...只係你既原因比較特別:今次落左可能以後都冇得生...)...
但情況依然係...你準備好未?
因為你講到你明白我既重點:你係因為怕"冇艇搭"先生小朋友...
但你依然將生小朋友既
首要原因列為: 我怕過左今次冇得生...
次要原因為: 我想生BB
第三個: 如果我而家要左哩個bb~~我起碼日後冇男人要我都起碼有自己子女陪伴

2008-07-10 10:00:36 補充：
1.基於怕冇得生...而今次要生...今次唔要,冇下次架喇...好似人地買限定貨品...BB,對你黎講係一個限定品...而你決定生既首要原因...就係好似"唔執輸,要左先"既心態...

2008-07-10 10:01:02 補充：
2.我想生...我唔質疑你經濟能力,而閣下亦無需在此公開你既財政...但如果根據第1點既原因加上呢個原因...我比較擔心你生子既動機...全然為左自己...一個完全為自己既人,點樣可以為子女做無私既犧牲?所以我擔心...

2008-07-10 10:01:13 補充：
3.更加印證你自私既論點,亦證明你考慮不周全...假設你生左而家呢個BB...23年後,你只46歲,如你所講冇你男人陪你;而佢23歲,好似你咁有拖拍有工番...一日都幾乎冇晒...你唔係仲奢望佢抽時間精神黎陪你?

婚前性行為呢一個問題冇討論o既價值，
每個人o既價值觀都唔同，唔可以話邊一邊唔o岩，
而家事實擺左o係你o既面前，
你冇得避，一定要去面對架喇，
不過既然呢一樣o既野係你同佢一齊搞出黎o既，
唔該你地「兩個人」一齊諗掂佢。
我都想順便同各位姊妹講一句，
搞出人命唔單單係男方o既責任，
bb係要有一男一女先搞到出黎架，
首先係要你地有一個共識，
到底想生仔，定係只係單單為快感而做，
如果唔係想生o既話，唔該你地都做得安全d，
如果你地堅持係話因為男方唔肯帶套而出事o既話，
呢個只係一個借口，因為你都有拒絕做o既權利，
甚至乎我覺得可以做多重o既安全準備，
女仔自己都要負返d責任呢~
說教o既說話我講完喇，講返正題~
小姐，你首先要理性d去諗你男朋友o既反應代表咩意思先，
佢話唔想要個bb有好充份o既理據，
第一，你地冇呢一個計劃；
第二，你地未有照顧bb既能力。
你唔可以因為呢一次o既意外事件就話你男朋友自私，
事實上只係因為你上一年發生o既事令你有「冇得生」o既可能性，
先會令你對呢一件事抱住唔理性o既態度，
假如你冇呢一個身體上o既問題o既話，
你男朋友話暫時唔想要小朋友住，
你會唔會怪佢呢???
我認為你要將呢一件事o既焦點放返去你個肚度，
而唔係再胡思亂想你男朋友到底愛唔愛你，
愛唔愛呢一個問題唔係出左事先諗架，
平日發生o既一切你自己冇感覺到佢方對你o既愛咩???
其實你o既未來只有幾條路可以揀，
生--->bb有爸爸
生--->bb冇爸爸
唔生--->之後都冇得生
唔生--->之後有得生
首先你要決定o既野就係生定唔生，
生唔生唔係我可以幫你決定架，
上面幾位都講左生bb對你o既影響，
承唔承受到呢一個責任同壓力你自己衡量一下，
亦都要你心平氣和咁同你男朋友商量一下，
始終你地係bb既爸爸媽媽，
你地兩個o既溝通真係好緊要，
最理想o既情況梗係可以達成共識啦~
不過如果真係咁唔好彩傾唔掂，
你就要諗下你一個人要面對呢一個生命，
一個人o既膊頭，承唔承擔到呢一個責任呢??
你一個人有冇能力去好好地養大呢一個小朋友呢??
你生佢出黎o既目的係咩呢??
純粹係因為想生而生??
有冇諗過如果你生佢出黎，有冇能力教好佢呢???
你o既未來就會付出晒俾呢一個小朋友，
可能以後都再冇得到愛情o既機會，你有冇呢個覺悟呢??
其實我個人黎講並唔讚成你生，
一如你男朋友所講，你地兩個都冇呢一個準備，
生佢出黎只會係你地o既一個大包袱，
小朋友自己亦都唔會開心咁成長，
咁你為咩事要帶佢黎呢一個世界呢??
原因就只係因為你唔想錯過今次之後以後就冇得生???
不過係唔係你而家唔生，之後就100%冇得生呢???
而家o既醫學好進步架喇，
只要你仲有得排卵，你男朋友仲有精子就一定有機會生，
何必急在一時呢???
再講，同你一齊左一年o既男朋友你肯定佢就係你o既真命天子咩?
23歲o既你未來仲會有好多唔同o既人生，
你真係要將自己規定o係o個4個人生選擇入面咩???
平常心，最後我都係希望你可以保持返呢一個平常心，
咁你就會睇得到更遠o既未來，
絕對唔會只係有4個選擇o既~
而家第一樣野要做o既，就係同你男朋友再傾下先啦~
祝你有個美好o既未來~

生BB其實都要好有計劃, 居住環境, 邊個湊小朋友, 點樣好好教育佢, 唔係生左出來就算, 壓力好大, 你兩個依家仲未結婚, 又要即刻籌備婚禮, 連升兩級, 其實壓力好大, 樣樣都係錢問題, 雖然窮有窮養, 貴有貴養, 但都係要錢!

我個人真係唔建議唔要個B, 但你要計下數先, 如果生左出來, 唔好好教佢, 仲會害左佢, 計劃好點樣迎接小生命, 如住係邊, 邊個湊(呢兩個係目前必須要解決的問題), 頭兩年每月用係個B身上最平都要1000-2000, 唔計打針, 睇醫生, 買保險, 仲有生之前身體檢查, BB用品, 計好數後, 同你男友傾下, 有左計劃, 佢唔會太大壓力, 可以嘗試一齊面對!

結婚方面如果你唔介意, 應該可以隨意一D, 預算可以自己控制!

如果真係冇辦法要, 你問下醫生意見先決定, 未必會冇得生, 但生BB唔係必然既事!

我比你好彩, 我啱啱結婚就有, 但我地都要計哂數, 有哂心理準備先去迎接呢個小生命, 依家BB已經8個月大, 好得意! 但真係多左野煩, 每日都要諗比D咩佢, 點樣教好佢, 佢一日幾餐都要諗比咩營養佢, 做左人父母都多野都唔同哂, 記住要做好心理準備!

點都好始終係你兩個人既事, 好好傾下, 有時屋企人都會發揮到好大幫助!