剛刷傷風咳和發燒都好番 , 煲咩湯水比佢飲至好 呢......( 7歲小童 )

樓上介紹的湯水都很好，夏季日常飲用都不錯，對有經驗的人來講也是十分簡單的．
夏季氣候炎熱，是人體氣血循環．新陳代謝于四季最旺盛的時期，故宜飲食清熱，滋潤．
而小童于傷風咳和發燒之後的調理都很重要．以下湯水給你參考．


玉竹生津湯

玉竹五錢，麥冬二錢，沙參三錢，紅棗六粒，生魚一條，瘦肉四兩
１　生魚煎好備用
２　瘦肉飛水，紅棗去核
３　將以上材料同放煲內，加水，大火滾十分鍾慢火個半鍾，落鹽　　調味即可．

麥冬化痰湯

麥冬五錢，北杏三錢，川貝二錢，陳皮半片，豬腱四兩
１　陳皮浸軟，刮瓤
２　豬腱飛水，各材料洗淨，同放煲內
３　加水煲個半鍾，落鹽調味即可．


沙參玉竹豬肺湯

沙參三錢，玉竹三錢，蜜棗三粒，豬肺一個，　北杏三錢
１　豬肺用清水沖洗至白色，切件後落滾水煮片刻，再用白镬烘乾
２　各材料放煲內，加水，水滾十分鍾，再用慢火煲個半鍾，落鹽調味即可．


消解活氣湯

沙參八錢，百合一兩，蓮子一兩，玉竹五錢，無花果六粒，陳皮一片，豬腱一斤，生薑二片，水十二碗
１　豬腱洗淨飛水
２　其他材料洗淨，同豬腱一同放煲內以大火煮十五分鍾，再用慢火煲二個鍾，落鹽調味即可．
此湯份量夠一家人飲


竹蔗茅根馬蹄水
五元竹蔗，一扎茅根，四元馬蹄，一條紅蘿蔔
１　洗淨以上材料，竹蔗切小段　，紅蘿蔔切片，用大煲，加適量水，大火煮十五分鍾慢火煲個半鍾或二個鍾都得
２　煲好落片糖調味，不用太甜，如有糖冬瓜，落幾條糖冬瓜都得
煲好隔渣，留水，一家大小飲，清熱，消暑

k89336a，7歲小童需要飲湯水補番之前佢染上傷風咳及有發繞嘅損體。

最好就係飲番D滋潤嘅湯水先，潤吓佢個肺、氣管、鼻腔、及平和頭部曾經發熱的乾燥。

湯水介紹如下：

1.栗子合桃排骨湯

2.西洋菜蜜棗豬湯

3.銀杏燕窩湯

4.枸杞魚片湯

5.沙參玉竹豬肺湯

6.雪梨響螺湯

7.紅蘿蔔煲雞湯

8.羅漢果豬湯

9.玉竹桂花雞湯

10.淮山杞子煲山斑魚

以上湯水材料靠經驗處理