獨資公司的收入需要交mpf?

1.獨資公司的收入需要交mpf? 即如果公司每月有$30,000, 咁mpf 點計?

獨資公司的股東(你)即是自僱人士，係要交MPF的，但自僱人士因為係自己公司請自己做事，所以只需要供5%MPF，不是10%(5% + 5%)。而且自僱人士係可以自己選擇月供或者年供(即一年才供一次)的。

你話你公司的收入每月有$30,000，呢個係公司嘅營業額，不是你的收入，係要扣除公司支出，淨翻嘅錢才是你的收入，千萬不要搞錯。如果獨資公司係蝕錢嘅，咁果年便不用以自僱人士身份去供MPF。

2. 如果我請我爸為我公司員工，但叫佢做自僱人士, 每月$4900 人工, 咁我又唔洗幫佢供,佢自己又唔洗供, 得唔得?

你要知道自僱人士不是自己話自己係就得o架，要佢真係有間公司才可以咁做。其實你自己才是自僱人士，如果你請你爸作為公司員工，雖然佢唔洗供佢果份，但你仍然要幫佢供MPF的，冇得走o架。

3. 如果我請我爸為我公司員工，咁我供養父親的$30000 免稅額仲有冇?

有，請你爸做嘢唔會影响供養父母免稅額。只要佢係55歲以上，合乎稅局要求的資格，你便可以申請供養父母免稅額。但請記住供養父母免稅額只可以給你父母的其中一個子女，不是所有子女都可同時享有供養父母免稅額。

4. 如果我是做freelance, 用公司名義收錢好, 還是part-time 咁? 主要想知道交稅的問題. 當每月$30,000 收入?

其實各有優缺點，視乎你點睇。用公司名義的好處是，你可以報銷一些支出，例如車費、膳食、電話費、應酬費等等。缺點是要俾商業登記証費用、報稅等支出。

Freelace最大好處當然是不用交稅，只要你的客户不幫你報人工上稅局度，咁你每月$30,000收入就不報稅都無人知。如果你的客户有幫你報上稅局度，咁佢就要幫你供MPF(變相你多咗5%人工)，而你當然亦要填埋呢畢收入俾稅局知道，你即係要交多啲稅。雖然話不報稅都無人知，不過亦要提醒你，瞞稅是有罪的，給稅局查到是要罰款及有可能入獄的。

用公司名義收錢好，定係part-time收錢好，要你自己去決定。

同住的親人不可以作員工 , 稅是應該交的 , 交多交少另計 , 揾個造數會幫你啦 , 好平啫......

2008-07-11 03:40:58 補充：
同住的親人不可以作員工 , 稅是應該交的 , 交多交少另計 , 揾個造數會計幫你啦 , 好平啫......

1.獨資公司的收入需要交mpf? 即如果公司每月有$30,000, 咁mpf 點計?

如果你報工資收入，就要個個月比 MPF 架啦，不過你可以錢照拎，但係年尾一次過出 BONES，咁年低比二千(你及公司各一千) 就OK 啦。

2. 如果我請我爸為我公司員工，但叫佢做自僱人士, 每月$4900 人工, 咁我又唔洗幫佢供,佢自己又唔洗供, 得唔得?

咁你公司就要幫佢DADDY 供5% MPF啦，不過都係可以一年只係出一次 BONES，無BASIC SALARIES，咁咪又係伿一次二千就OK LOR。

3. 如果我請我爸為我公司員工，咁我供養父親的$30000 免稅額仲有冇?

不論你DAD 係幫你做野OR 幫其他人做野，都唔影響你個TAX ALLOWANCE 架，因為稅務條例無話要睇你DAD 有無收入，而係睇佢係咪你DAD 同佢個免稅額係咪得你一個子女用。

4. 如果我是做freelance, 用公司名義收錢好, 還是part-time 咁? 主要想知道交稅的問題. 當每月$30,000 收入?

用公司收可以用其他支出扣稅，如TRAVELLING, ENTERTAINMENT等等，但係個人收入只可以扣MPF 同供樓利息。

如果唔明可以SEND E-MAIL 比我，[email protected]

又或可以問我公司，因為無限公司一年先收800，定好過你自己諗得咁辛苦。

1. 獨資公司要供強積金上限每月一千，詳情請找銀行或保險公司去了解。
2. 你請老爸做員工，咁佢幫你做邊啲嘢？虛報員工是刑事罪行！如果你用$4,900請老爸做員工，公司仲係要供5%做強積金，不過員工唔使供。我睇唔到你老爸可以點做自僱，你唔使俾商業登記咩？
3. 父母免稅額係睇你有無同住同有無俾錢供養佢，同佢自己有無工開係兩碼子的事！
4. 正常用公司有費用扣，不過唔知你啲資料唔敢亂答。
希望幫到你！