更新1:
一年前我都經過香港商機買左一間舖, 同樣係貨不對辦, 間舖跟本就做唔到佢所謂既生意額, 完全唔值, 好彩我一路改變經營模式, 先捱到咁耐。當初以為間商機叫做係龍頭, 信得過, 諗返真係後悔, 其實諗下以下幾點足以明白佢地係好有可能係搵人笨既。 1) 佢地話自己係中立角色, 聽落好似幾好, 但佢地係有人買有人賣先有錢賺, 佢要做成生意一定會企係賣家果邊, 齊齊TUM買家落嗒, 先做得成生意。咁如果間舖有問題, 為左做成生意, 佢地大可以幫手隱瞞, 唔會好似佢既宣傳咁話"以公平公正的角度洽商" 2) 佢地既佣金同成交價成正比, 咁佢地咁係想做靚條數, mark高個成交價, 仲大力話呢個價係值既 3) 間舖有錢賺邊個會賣先? 可能真係有賣家要移民想退休, 但係果D一心想將間蝕本舖賣出既呢？間商機可以幫佢地搵個好理由作條靚數齊齊搵人笨 4) 佢地D合約寫晒D保護自己既修條款, 又話自己只係中介人唔會付法律責任, 交易後有咩問題請買家自己追討賣家。即係佢地搵左人笨都可以唔負責任。咁個賣家交易後你又搵佢唔到, 可以點? 5) 佢做成一單生意, 起碼賺十萬佣, 話知你會唔會再幫襯。只要繼續有水魚俾佢地搵笨, 佢地一樣繼續賺錢 6) 佢話有咩售後服務, 簡直廢話, 袋晒你錢仲幫你做野？ 如果佢地係有D良心既, 老老實實做代理, 話唔定可以推翻晒以上所講既, 但佢地佣金成25%, 明顯利字頭, 還會講良心嗎？ 奉勸各位想幫襯佢地既准買家, 真係要諗清楚
