龍吐朱品種一問?

1:....細條既99龍..係唔係點養都唔會令??<---因為99多數都是金點星龍..有人話唔值養..無色出等等.....
人地話平野無好野,
咁你覺得係咪???
講真,
要養魚既,
唔一定要養到d魚好靚,
而且新手更加唔應該一開始就講養得靚
反而係要注重點樣可以養得起條魚,
條魚都死左點養靚!?
我就覺得如果養魚唔想花太多錢,
但又想養呢種魚的話,
咪買平價既黎養住先,
一黎當訓練,
二黎有時間草錢啦~
仲有,
個個品種各有各靚,
你話咩過背金好靚,
咁又點,
星點龍就唔可以靚???
我就覺得各有各靚,
最重要係睇你點養既姐,
同埋買果時點揀~
2: 如果我買2000左右既紅龍又點睇令唔令???會唔會有機會養到好紅個d???

要靚就要揀得好啦~
下面介紹左點揀條靚龍:
1.色彩：根據龍魚品種，色彩要亮麗。
2.體型：夠寬、夠長，而且要對稱，各部位的鰭要完整。
3.鱗片：應整齊、明亮、平整，最重要是鱗片要大，不變形。
4.鬍鬚：要長而且挺直、並齊，要配合魚的品種顏色。
5.鰭：要大而且張開，各鰭的梗骨要平順，不能歪扭不正。
6.鰓：要貼魚身，軟骨部份要平順，整個鰓蓋要有亮度。
7.眼睛：大小平均、平貼，不能有白濁狀，要明亮有神。
8.嘴：應密合，不要凸顯。
9.牙齒：要整齊不能有缺損。
10.肛門：不能凸出，要與魚腹弧度相吻合。
11.游姿：游動角度要順暢，而且是在水的上層活動。
(from: http://www.hkfish.net/viewthread.php?tid=3314&extra=page%3D1 )
如果買既係紅龍,
咁一定會紅嫁啵=.=
不過好紅果種就要睇你點照顧佢、食得好唔好、水質點樣等等
有時唔係睇條龍一開始靚唔靚,
而係睇養手點養條龍~
3: 龍既品種重要d呀????定係..我比咩野佢食...水溫,,水質同ph值影響大點?

龍品種係好重要,
但係又要睇你鍾意邊種龍先買既,
如果唔岩你心水,
買左都晒氣啦~
龍既品種唔代表佢靚唔靚,
每種龍都會有靚魚有唔靚魚,
睇你識唔識揀囉~
另外就係後天你點養佢啦,
一般食得好,
水溫、水質令佢舒服就可以靚d
水質差的話,
條龍都死左啦~
大忌十誡

1. 切忌心急, 買魚要俾d時間, 準備一切, 例如, 缸水定未, 所選龍魚是否心目中Target???
2. 忌輕信魚店Sales吹水, 要分別是非, 係咪好, 自己觀察吓
3. 忌自己無做功課, 一人就去魚街買龍, 一頸血之餘, 可能又買到星點扮青金, 号半扮RTG
4. 忌買太細之龍魚, 一般龍太細(4吋以下), 難以分辨質數, 選購較大小龍, 可較易買得好龍
5. 忌唔講價, 一般標價預你講. 講咗唔減一回事, 老虎都講, 減到當Win
6. 忌長途運魚, 買得條魚幾仟蚊, 100-200蚊最好打的, 搭得巴士, 條魚發狂, 起碼無10片8片麟, 斷埋鬚, 死未!?
7. 忌買心有懐疑之龍魚, 懐疑有病, 凸Pat, 咪駁, 買中衰咗無人可憐, 寧買唔到, 都咪 '領嘢'
8. 忌買袋裝魚, 一般袋裝無乜好嘢
9. 忌無同家人溝通就買魚(特別已婚, 有女友人士), 買咗鬧大交就無謂啦
10. 最後大大忌, 買龍唔先上龍討索料
(from: http://www.hkfish.net/viewthread.php?tid=3314&extra=page%3D1 )