關於一d裝修既問題

1)表面上梗係自己油抵啲啦!但實際上如果你唔知要抆灰...省牆之類嘅專業功夫.....後果就可能仲貴!考慮清楚先好呀!
2)一個人冇話唔掂嘅;睇吓幾耐啫!
3)依家油油一工(8hrs)好似是800-;但我唔知去邊度搵散工
4)建議你喺屋企附近搵多幾間小型裝修公司格吓價仲實際啦!小心搞出個大頭佛呀!

時間就係金錢,如果有時間自己髹就梗係慳錢,不過你唔係做開三行,髹漆唔係你想像中咁易,咁快.髹漆工人做三幾日,生手可能多一倍時間都唔止.
返工一族只有夜晚放工及星期六日才有時間做,如果是這樣,起碼兩三星期都未定.
況且,髹得唔靚,搵人返手做可能仲貴,浪費自己時間,間屋日對夜對梗係一開始就要整靚啲.
我屋企以前個裝修師傅都幾好,希需要就email我

當然是自己油抵好多啦, 你比裝修公司油要大約$6000, 自己油就大幾仟幾. 千萬唔好自己買油搵裝修工人油, 淨計人工俾佢地, 因為很多無良的裝修佬都會放慢黎做, 到時仲貴過全部比裝修公司做. 買油很簡單, 你可以先買4或5公升先, 之後再1公升1公升咁買就唔會浪費啦, 其實你康和式3房2廁1廚單位,560呎左右, 就買4或5公升天花色就足夠啦, 至於牆身如同一顏色就買6或7公升就足夠啦.
如牆已很光滑, 只是有一些dirty及裂紋, 應該已經做好防潮底及批灰等, 基本上只要執補dirty及裂紋, 如牆身出現裂痕, 就要用牆之寶填平及打磨平滑, 再油上面油便可.
之於鏟底與唔鏟底的分別是灰與牆壁之間的接著力問題, 如緊接著就無須鏟底啦!
轉牆身色, 做法很簡單, 如之前的牆身是很深色的話, 就先油1次白色乳膠漆, 再油面油便可. 如之前的牆身不是很深色的話, 就直接油上面油2 - 3次便可.
我唔知你之前是油什麼品牌的乳膠漆, 如之前是用平的乳膠漆, 就不過千萬唔好用貴的漆油, 因附著力問題, 用菊花牌乳膠漆便可, 要唔要多功能漆油就自己決定, 用就當然會好D啦!
原先是油平的漆油為什麼不能再油貴的漆油? 主要原因是附著力問題, 在施工期間會不斷出現起泡問題, 單是這點已增加不少煩惱, 還有其他問題你要處理. 唔信可以試吓.
無論你是自己做或是比裝修師父做都好, 你都要知道正確的步驟及如何選擇漆油, 避免有人偷工減料等情況出現.
工序如下 :
1. 先將灰底剷除 (如須要)
2. 油光油
3. 批灰

4. 打磨平滑及淸理乾淨
5. 油啞白底漆一次

6. 油上面油便可
防潮底漆 :
司拿分為水性及油性兩類, 以油司拿較佳.
水司拿是用水稀釋.
油司拿是用松節水稀釋.
光油是用松節水稀釋,一般裝修工程都是用光油的, 因用途比司拿多.
灰料比例如下 :
菜膠35%, 福粉55%, 石膏粉5%, 光油或白膠漿5%.

搓灰程序 :
1. 先將菜膠加入光油或白膠漿攪合
2. 加入8成福粉攪合
3. 再加入2成福粉及石膏粉攪好後才加進一起攪合

注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
啞白底漆 :
啞白底漆比例:70%啞白底漆加入30%白色膠玉磁漆, 1份啞白底漆加入30%松節水攪和便可, 此比例的啞白底漆是目前最好的, 亦有防潮作用, 非常合你的須要.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!

自己油當然抵好多, 先買一桶5kg 裝, 用完再買.

貴不在於材料費而是人工費. 為何不去問個價?

一個房用多少油, 可以問五金鋪.