睫毛液點用? 點卸睫毛液?

Q1 最好先夾眼睫毛, 我用過SHISEIDO, SHU UEMURA, MAQUILLAGE, SANA o既睫毛夾都好用。分三段將眼睫毛夾翹(最貼眼,中間,末端)

點用視乎你想要咩效果,一般睫毛液可以分為有纖維同無纖維

塗上眼睫毛時,將鏡放係較下方,眼珠向下望,有一隻手指撥起眉毛,咁樣可以睇清楚睫毛。將睫毛棒放係睫毛下方, 近根部等兩秒,然後z字型由根部去上掃,好似刷牙咁o既動作,但要慢d。如果你睫毛夠長,可以睫毛上方都掃。如果你睫毛短,咁做好容易整花上眼皮。掃完就等佢乾,如有需要再上

當睫毛液有纖維,我建議由根部到末端平掃上去,如果z字型掃, 纖維會唔靚

掃上眼睫毛頭尾同埋下眼睫毛較短o既毛,就將睫毛棒打直,只用刷頭向下打。

如果睫毛極短,可以用有打底效果o既底膏。底膏z字型搽係睫毛末端,如果由根部開始,比較重,睫毛會dup番落黎。

搽完睫毛液可以再夾下眼睫毛,但呢個時候力度就要細D!

你可以上網睇下圖,應該會有好多圖解
最緊要係買o岩睫毛液,以下係我推介o既

濃密: HR(貴), KISS ME (平)
纖長: deja vu fiberwig
長時間捲曲(但效果較自然): ettusais seperate(較貴), fasio (平), majolica majorca
誇長: clinique defining power
睫毛液連底膏: L'oreal volume shocking (都係好誇長)
獨立底膏: clinique

Q2 就算睫毛液唔係防水型,都建議用眼唇專用缷除液缷,因為睫毛液好黑,唔防水都有排捽先捽得乾淨。
好多牌子都有眼唇專用O既缷除液,如果要缷防水O既,就最好用水溝油個種,用先搖暈,倒落化妝棉,然後敷係眼上面,5-10秒到,一抹就甩; 或者敷完,就對摺上下夾住眼睫毛然後向尾端拉。
記住力度要輕。而家仲有D 睫毛液型態O既缷除液,好似睫毛液咁上係睫毛液上面,再用化妝棉抹走,但我覺得缷除液缷得乾淨D
我用緊SHISEIDO 藍色o既(莎莎卓悅有得賣,唔係專櫃)

好多新出O既睫毛液用溫水就可以缷除。用溫水輕輕濕睫毛,慢慢捽佢,就有D好似擦膠碎咁捽左出黎,之後就唔駛用缷妝水啦

用VASELINE無乜效,而且好立,入左眼都會乸

Q3 無錯,抹到無黑色,或者你睇到睫毛上面無野就OK

無論上MASCARA同埋缷都要俾D心機,因為睫毛無左等好耐先生得番,多多練習就會得心應手。