中4升唔到中5....有咩學校收

我講少少經驗你知啦
我個人係今年會考生,8月4日等放榜^^
之前讀到中5冇會考(如果我當年有考,應該係2004年果一屆)

我上年係沙田英皇讀返中五
其實佢想賺錢姐,唔會唔收你既!!
佢連幾年冇讀書既我,都收WO!!

直接去到間學校,問職員佢係唔係收中五生就得嫁喇
你打電話去,佢唔會回覆你的!!
記得帶成績表去!
去到佢會比FORM你填,填完比返佢
佢會叫你等一陣,之後帶你入房面試(IN你果個會係教書呀SIR)
佢問咩你就答咩啦,佢會扮到因為你成績差,所以唔想收你咁嫁!!
唔洗驚嫁,冇可能唔收,除非真係冇晒位
記得帶埋錢(第一期學費)去!!唔係佢就唔會幫你留位的!

係讀就早D去報名,我2004年果陣本來係理科生
去到佢話FULL左,所以轉左讀商科(8月先去一定冇位)

佢課程會教晒中4,5既野,所以未讀過都唔怕
(不過有D科目一定教唔晒書,自己有個心理準備)我上年ECON教唔晒
佢會先教F.5野,AND比較重要既,會考成日出既野先

讀日校可以用$150報補習班,一個月最多報4科
(唔知報邊個補習天皇的話,可以叫日校老師比意見你)
我讀中,英,數,商業,經濟,地理,會計(只有中英數之前有讀過...)
唔好期望D日校老C會教得好!!因為有D是冇教書經驗的
而且你都冇得揀老C!!
但係開左學,可以問隔離班D同學老C好唔好(可以轉班)

你真係要好大決心!!唔係好易比同學影響!!
有一D人真係返去玩嫁!!完全唔係讀書!!!
上堂一定要專心,因為教得好快!!!(大半年要教晒中4,5既野WO)
如果你返到學只係掛住玩,我覺得不如退學啦
每個月1900元學費,玩左D時間就會好浪費!!

雖然,好多人話私校一定唔好
但係我覺得,英往,遵理都OK的(現代D人返學媾仔/媾女的)
佢地有會考補習班,D筆記都唔會差得去邊
上堂講既野都可以針對返會考!!

但係我覺得,如果可以的話,報埋補習班仲好(又唔係貴)


我唔敢話自己一定升到上中6
但係上網對過會考MC答案,都唔錯
答對題數: 數學 50/54 (有補習)
商業 30/40
地理 36/50
經濟 45/50 (有補習,郭SIR教得好好,我未讀過都咁好成績)P

PS.我係好專心上堂既,返學玩的同學應該冇一個高分過我

2008-07-09 01:43:33 補充：
比個心理準備你,果到D櫃台職員態度爆差!!!
可以唔洗理佢地!!!冇咩事都唔好搵佢地幫你,佢地彩你都傻
真係有事,搵你家長去同佢地講啦!!!
(報名果陣態度好好的,放心)
一交完報會考的費用,就會原形畢露(因為果陣退學,學校唔會比返張會考成績單你)

老C反而好好態度,可能因為有問卷比學生寫
你可以寫邊個邊個老C好,邊個邊個教得差(驚比人炒)

我想先你一個問題~你中四的課程你識幾多野~會考係考中四五兩年的東東~

如果你連中四都唔知讀過咩~咁你點考~

如果你知道係讀過咩~咁你就要俾心機~有時成績差唔代表你唔識~

你只係唔識點去答題~

你要清楚你係邊種問題令到你成績差~

但係我覺得如果唔係學校唔俾你讀~你就唔好轉~

你la個時候只可以搵私校~

私校唔係間間都ok嫁~就算係大私校~平時標榜收生嚴的~都有人响堂上明目張膽响堂上食白粉~曠課冇人理~

至於係邊間私校~我唔方便講~不過唔只係一間~响入面做d職員講返出黎~

所以有得升好過你出面盲摸摸~~


http://www.wuiyincollege.com.hk

你既然連中4都升唔到中5..

說真的,你會考考得好的機會唔大..

如果你係想考好會考,不如repeat中4..

打返好個基礎先

唔係的話勉強升上去都只會係會考的失敗者

我朋友之前試過有你的情況...中四轉校讀中五(當然佢係會考的失敗者)

但結果佢搵唔到官立/津貼學校讀中五

最後hea左一年..唯有讀私校

所以我suggest你都係唔好諗官立/津貼中學喇

因為到會考放榜佢都只會考慮收中五repeater

你可以讀私校(e.g.英皇,現代,遵理,地利亞...等)

但係搵私校都要留意...英皇,現代都未必會收

(我個fd果陣去左英皇問..之後英皇d人又話要等,又話要d咩咁,最後冇左件事)