唔該幫幫手.......有個bb的駛費~~10點

因為我以前同你而家既CASE差唔多，所以我都答到你好多同知道好多你會遇到既事情

1. 而家租屋，一間房果d大約3000，不過第一個月你要計埋按金上期，仲有點都要置D家私雜物，加加埋埋都要10000

2. 你番屋企前先接番BB，咁你地晚飯點解決呢？如果你係男家果邊食埋就會舒服D，因為你大肚果時煮飯會好累，煮完食完仲要洗碗，跟住就淨係會訓覺，咩家務都唔使做。不過係男家食飯你就要預左咩都要食，因為唔再好似係自己屋企咁有得話呢樣唔食，男家亦唔會就你一個鐘意食咩就煮咩

3. 如果佢讀既書直接影響到工作，可以升職加人工既，而家大家辛苦D都值，起碼而家距離BB出世都仲有一段時間，呢段時間都仲可以有時間做自己野，BB一出世，唔好話讀書，連訓都冇得訓。讀書使左既錢同玩使左既錢唔同，讀左書係自己既，第時人工高D，BB既將來都舒服D，我覺得負擔得起既應該都去讀

4. 最重要都係BB既開支，佢未出世，你要為佢準備好一大堆野
例如﹕床 - 最平1000以下，亦可以去二手店，幾百蚊都有，雖然可以同自己同一張大人床訓，不過如果你唔醒訓就唔建議喇，好容易會整親佢
衫仔 - 你可以試下去出口店買十幾蚊件果D，其實果D衫仔質地都好好，只不過係剪左個牌子，番屋企洗下佢都冇問題。買果時買大小小，可以著得耐D。不過著係底既和尚袍就要買全綿，去街市既乾貨部都會有BB衫買，通常都會平D。
奶樽 - 就算你餵人奶都應該要準備定兩三個以準不時之需，買普通果D最傳統既十幾蚊個既就得架喇，一個細兩個大夠晒
消毒機 - 呢樣用黎消毒奶樽，有錢就買，平既大約5/600，通常包埋6個奶樽，不過都可以自己煲水烚，但要小心睇火
洗奶樽液 - 可以澈底清潔奶樽，其實都建議買，因為可以洗埋大人野，買補充裝放入自己D樽到會抵D，一樽都用到好耐，都係幾十蚊樽
BB衣服清潔液 - 大人同BB衫要分開洗，大人果D磅洗都OK，一個星期$30-40，BB既要自己洗，又係買一支有排用，不過太耐冇買唔知幾錢
奶咀 - 最好都唔好比BB食，一來慳D錢，二來唔使煩介奶咀同要成日消毒同換新奶咀
玩具/牙膠 - 平平地點都要有D比BB，唔使貴，安全既就OK
尿片 - 要睇你BB出世大隻定細隻，細隻D就抵D，因為初生片平D，$50一包，用4-5日，如果大隻D好快就要用細碼，去藥房買大包百幾片果D抵D，大約$130-$150 (建議用PAMPEXXS <--唔記得點串)
奶粉 - 就算餵人奶都一定要準備一罐，有機會夜晚要補奶粉，初生果D大約$160。不過你試下係醫院門口有D人會叫你入BB會，入會之後會放D細罐奶粉比你。仲有黎緊8月9日荷花係會展有BB展，用二十蚊(好似)入場，可以入到好多BB會，又有好多BB既用品免費拎
濕紙巾 - 都係去藥房買，$20蚊都有一包(超市賣到七十幾三包)，識得慳D用，兩三個星期一包都得
手巾仔 - 抹汗，掃風墊住用，又係純綿，街市有一打買，十幾廿蚊

如果有錢既話建議買份BB既保險，都係300-400一個月，因為BB病真係好難講，發燒同佢入一入醫院都幾千蚊(我覺得始終私家對待BB同醫療手法好D)，買個保障，我個仔而家兩歲多D，因為氣管弱都入過幾次醫院，好在有買保險，醫院既費用比起我比既保費多幾倍，都CLAIM得到。有錢既真係多個保障！

5. 好老實講，唔一定要幾百萬養大BB既，平有平養，最多咪買小D衫，小D出街食飯，BB小D玩具，真係唔係大不了，我都係抱著咁既心態去生仔~

6/7. 街外錢唔還唔得，如果係自己人既試下商量遲D還或者還耐D得唔得囉

我真係完全明白你既感受，不過我覺得你同可以好似我咁生個肥肥白白BB，開開心心咁過，最重要係抱住樂觀既態度去面對任何事。同埋一齊住之後，可能為左錢或者小小野就好易嗌交，記住床頭打交床尾和，總有解決既方法既。
得閒去我個BLOG到睇下我個BB啦~~

加油呀~未來的媽媽!!!!

2008-07-08 17:55:48 補充：
如果你真係再有咩問題同想搵人傾下，我都可以架
EMAIL比我丫~我好樂意同你傾架，唔使無奈

我可以話同你一樣.......仔仔四歲了！初初真係好苦！！！

1.甘既時世好難搵到平樓住，青衣既私人樓400呎都要5000-6000、村屋更加唔使講、公屋可以租到俾你既都唔平得去邊(補地價都幾十萬，無可能一二千就攪店)其實你有無唸過係男家到住住先，我相信男家會體量你地既環境，夜晚咪打地鋪或訓住梳化先，記住而家唔係二人世界既時候，放工又唔使將個b湊黎湊去
2讀夜校係讀中五嗎？叫佢一定要讀埋落去，(我老公讀到中四下年都要去補番中五)
3.都係果句啦平有平養，貴有貴養，初生嬰食奶同用尿片較多(藥房買會平d(留意exp day)其餘開支唔講了上面的朋友都講了很多！
4.其實兩個人做野一萬幾千都有o家！一個b最貴個月咪頂多五罐奶粉
當$200一罐都係$1000還埋錢都總有d錢剩小小啦！

我就咪係每個月剩小小，每個月剩小小，我自己供緊層樓，而個b佢嬤嬤湊到愛不惜手，我而家每日番奶奶到食完飯就兩公婆番屋企，放假先湊我個b番黎同我訓，頭兩年真係真係好辛苦，過左就雨過天晴了！希望你都會同我一樣頂硬上！

ps.我都住青衣o家，有問題可call我

以上幾位都答得幾好, 我再補充少少
1.住青衣, 私家都要7000-8000, 可以搵D公屋或居屋會平D, 但出租公屋係犯法, 無保障公屋約3000-4000都有(要熟人), 居屋約5000-6000蚊到, 通常都有兩房

2.放工自己揍返, 夜晚會好辛苦, 年終無休, 搵返附近D, 最好唔好要搭車, 青衣南去北都要搭車

3.如果讀完書可以升職加薪又無防

4. A.奶粉
初生奶粉通常冇得送, 因為依家初生唔主張食奶粉, 唔比宣傳, 平均都要180左右, 最貴200幾都有, 3-4日一罐, 餵人奶會平D, 但都要一罐補奶用, 我個時餵人奶都係一個月一罐, 依家貴左好多, 比D大陸人抄貴左
B.尿片
初生通常都係用PAMPERS, 平均1.8一塊, 預兩包到, BB大得快, 跟住就用S, S唔記得幾多錢, 我依家用FITTI M 碼, 都要1.1塊, 一星期約50幾塊到
C.BB床
網上有D套裝價, BB床, BB車, BB浴盤, 2000蚊有找, 我生BB時得各方好友送二手BB床, 我現有三張,不過有D花, 但我住上水, 外家係青衣, 唔知點比你, 但記住如果你有二手BB床, 都要買張新的床玉, 約80蚊
http://www.bibidada.com/shop/index.php?cPath=108&osCsid=f783cd7d235fbe2d0a44be82468ce234
D.BB衫
唔知你BB幾時出世, 我都有好多BB衫, 都係人地比, 好多二手, 但我個BB係11月出世, 唔知啱唔啱季節, BB大得好快, 唔使買咁多, 一日兩至三套替換, 夏天一件和尚袍, 一件包被就夠, 冬天要加多一件連身和尚袍, 再冬D就要買D夾棉
E 其他用品
1.奶樽....預6個, 平均20蚊一個-會展會平D
2.奶樽消毒煲 ....有平有貴, 最平可以剩係用一個不防秀鋼煲都得, 要睇火, 奶樽會熔
3.火酒...洗臍帶用
4.棉花棒...洗臍帶用
5.奶泵...返工餵人奶用, 手泵約200幾
6.濕紙巾...健力氏約18蚊一包, 80塊..會展同藥房差唔多
7.BB洗衣液...約60蚊一支, 用好耐
8.BB OIL..夏天唔使用咁多, BB自己會自我分秘保護皮膚, 用太多皮膚唔好
9.紗巾, 預約一打
10.探熱針..200幾都有, 要看門口
11.BB沖涼液..約30幾-80都有
12.大毛巾
13.沖涼盤
14.奶樽夾有牌子都要40蚊一支
15.奶樽液..約60蚊一支, 補充裝約45支
16.奶樽刷..20幾-30幾
17.奶樽架..約60-70
18奶粉格..10幾都有
有時吉之島會有BB節, 通常都平過出面, 藥房大部份都會平過大集團
尿片買一箱通常都會有野送, 去會展前, 可以印定D LABLE, 有姓名, 地址, 電話, 預產期, 到時唔使好似罰抄咁

比你參考下, 我個B依家都差唔多8個月

我有個建議就係搵社工...睇下可唔可能申請到政府津貼0既租屋錢~
其如的..之前兩位都解釋得好好...我個BABY 家下3 個月...我屋企環境都唔好...不過最多大人食少0的..唔買野...^^千其再辛苦都唔好怨你老公....唔好因為錢同佢嘈....環境再唔好..都有雨過天晴0既時候!
睇住BABY 一日一日咁大...咩都值得...加油呀

要答的我上一位已經答得好詳細啦!真係有心。

我做少少補充啦

你記住呀!一定要去8月9日的bb展呀，好好正野呀!bbD野你可以等去完BB展先買

你入場前先將那一本小冊子內的資料全部填完，帶一個喼去，入去一間一間咁給他們小冊子內的資料，佢地會送好多禮物給你。

唔好看小這些東西，都係BB可以用的。

而之後一年內，這些展商會與你聯絡，會送很多試用品或讓你以超底價買試用品(如奶粉﹑尿片﹑玩具等)

話俾你知!我一年內包括送的及買一送一的奶粉起碼超過10罐，省下約2000元呀，未計免費尿片﹑手套﹑玩具﹑被子﹑床墊﹑奶瓶等等東西，我估一年有省5000元呀!

少數怕長計，我當年仲困難過你，都過左來囉，仔都4歲囉!依家先生活好好多，所以你唔使擔心，總有出頭天架

其實好多BB用具你可以問一D過來人借的，唔使買，只要你唔介意，你可以網上問下，其實好多人會送給你的。

我第一個生完後，D床﹑用品全部都送給人啦!自己留下其實冇用，不過我而家又有第二個，雖然我生活好左，但依然有好多朋友會送D二手用品給我，真係好感動。

你試下問啦!一定有人送你架!你知唔知道，我當年收這些二手用品足足省一萬多D呀!

加油啦!未來媽媽!

由入院開始,
政府醫院香港人$100一日,
自然分勉住院三日(有時兩日都叫你走),
開刀住 7 日,
如果你出院而亞b未得$50一日!

奶粉初生, 中價既$180左右, 三至四日一罐!!
(可以既話餵下人奶, 健康d, 又平d)
尿片初生pampers $45~$50一包, 開頭都係5~7日一包,
好快就4~5日一包, 仲有濕紙巾$60~$70三包(仲有d更平)用一個星期!

衫褲, 睇醫生我唔計啦, 只係奶粉,尿片,濕紙巾一個月$2000應該有多...去健康院打針唔洗錢
奶粉越大越平, 尿片越大越貴,
自己計下啦!!!