我鐘意左佢..點算好.. /_\

呢個故事有兩條路發展。
1.考完AL之後不了了之，大家仲係朋友，不過經過時間既洗禮，大家只係一對認識但係無聯絡既朋友。
2.你同佢表白，worse come to worse，佢拒絕你，因為尷尬，大家唔再聯絡，大家都會係一對認識但係無聯絡開既朋友，個結局同option 1係一樣既。

之不過如果你揀option 2，就可能可以fight到多一個可能性，就係佢都想同你發展。發展到既結局又有兩個，一個，係最終你地分左手，但係起碼你地開心過；一個，就係結婚生仔，兩個結局，都唔錯。

你話鐘意得佢好深，就要睇下你既愛意會唔會深到… 你願意冒住可能「大家只係一對認識但係無聯絡開既朋友」既後果黎爭取option 2所帶黎既大團圓結局。

上面不是最好的方法
聽我講
首先，就好似你咁講...其實鍾意一個人是因為一個感覺...
無時無刻都想起某人...
所以我建議你不要表白住
反而，多d在佢身邊，做個貼身的朋友先
再而令佢有無時無刻都想起你的感覺...
便成功了
因為愛情的產生是基於無時無刻不斷去想
所以如果表白
就等於向佢攤牌
任由佢宰割
是不智之舉...下下之策...
請好好考慮我的話...

um...我唔建議你因為臨別在即而去表白，
因為如果你真係鐘意佢o既話，
時間流流長，日後你有大把籍口同佢傾偈，
甚至乎如果同科o既話，你借頭借路問佢功課都得啦，
橫掂佢成績幾好，應該可以幫到你o既~
你要做o既野係進入佢o既生命，
等你成為佢生活o既一部份~
令你o係佢個腦入面佔越黎越多o既空間，
咁佢鐘意你o既機會就越大。
不過呢一切都要靠你自己去做，
你唔夠膽行前一步o既話冇人可以幫到你，
你係唔係想就咁樣無疾而終呢???
唔係o既話就聽我講，行多一步!!
永恆不變o既道理，女追男隔層紗，
主動d同佢講多兩句野唔駛死o既，
聯校活動完之前你咪同佢講：
活動係完左，不過我地可以keep住聯絡架呵???
我唔信佢會同你say no囉，
抱住平常心去睇呢一件事，
你自己會舒服好多，
唔好睇得佢咁重要，
不過如果你覺得佢真係咁重要o既話你就更加要主動，
我要講o既就係咁多，
如果你真係想搵我傾偈o既話你可以隨時send e-mail俾我，
我諗我可以幫到你解決一d問題o既，
始終一問一答咁樣可能我會更加明白你o既需要，
可以答得貼身d。

我覺得應該問下佢
要由淺入深
但係由於時間緊迫
就應該問下一d關於佢對你有冇好感既問題
雖然我都知問呢d好難開口
但係為左自己既幸福
你都要問架喇
唔係錯過你就會後悔
祝你成功!!!!~^^~

首先, 盡量利用聯校活動的關係, 盡量與他見面 / MSN.
從中有意無意間, 透露自己的學習情況....
借固約他未來一起温習...學習....研究....教導等等.
建立未來相見 / 接觸的藉口.

當每次傾談時, 找出增強配搭的途徑.
例如:
他說話常述---睇都咩! 顏色! 見到妳!---即偏向视覺語言
他說話常述---聽落去! 嘈/靜! 声有D怪!---即偏向聽覺語言
他說話常述---温暖感覺! 舒服! 安心!---即偏向感覺語言
他說話常述---有咩意見! 溝解理由! 找原因!---即偏向分析語言

找到常用語言, 相對找到他的偏向.
可以用說話配對他.
如睇戲
-----好睇, 光暗好, 色彩配合: 视覺語言
-----声效好, 主角声調運用佳: 聽覺語言
-----坐很舒服, 戲好感人, 身体好緊張: 感覺語言
-----此段戲內容点，整体編排如何: 分析語言
自自然然可加強與他的親和感.

另外亦可配合他的語調速度, 亦可加強親切度.

此外...妳亦要藉此了解他同時, 給他機會了解妳.
因為發展一段感情, 最好互相努力, 才能永久.

之後...找一個配合位, 可以在性格上互補.
例如:
他細心, 便讓他照顧妳.
他只看/聽一面, 妳帶他不同方面
這樣才增加各需要.

要最後想表白, 妳可之前做些練習.
想一件妳最有動力/勇氣/最另妳美麗的事
當妳情緒最高時, 這感覺在身体那處. 記住和按一吓.
嘗試幾次測試都是那位置.
再幻想加強此感覺.
到表白前...回想/觸發起此感覺.
加強妳表白的動力/勇氣/另妳更美麗.

兩人相處最緊要開心....
慢慢去感受相處那刻...
靜聽內心的喜悅...
互相增進兩人的関係...
最後才有恃久永恆的....

安心D...好事自然來....

1.)毫不畏縮地望住她的眼，對她輕聲說句「我愛你，是真的」，若對方走的話，不要拉，若對方不走，呆呆站在原地的話，不要怕，擁抱她，讓她感受一下你的體溫。
成功%.........<95%
優點：係女都感動。
缺點：一旦衰左，好難收拾殘局。

2.)寫情信
成功%.........50%
優點：冇咁怕。
缺點：唔係個個女仔受，有d會覺得你玩佢，發脾氣。

3.)電話表白
成功%.........75%
優點：真情流露。
缺點：有被cut線的危機。

4.)icq/msn
成功%........40%
優點：最唔瘀。
缺點：令女方半信半疑。

5.)公開示愛
成功%.......60%
優點：令女仔飄飄然。
缺點：做好比女友歐打的心理準備。

6.)咋cool
成功%.........15%
優點：小女人可能受
缺點：佢可能將會cool過你。

參考資料

我覺得你應該把握機會跟他說,
幸福是要自己爭取的,
反正你也不會有損失,
聯校活動一過,
大家都不會有太多時間見面,
就算跟他表白,
若他不接受你,
你也不會太為難,
也不會尷尬.
如果你不說,
他可能不會知道你的心意.
其實有個問題想問你,就是你對他只是有一種feel,
還是超喜歡他呢?
想清楚你對他的感覺吧!

嗯....我認為你說出來會比較好....
不過唔好太直接講...佢對你會冇咩好感....因為佢喱種類型概男仔如你所講.."不太在意跟女生交往"....
你只可以循序漸進...慢慢透露.....咁樣對雙方都比較好...

例如 講" 我覺得你是個出色的人... 我真係好欣賞你....很喜歡與你合作, 交朋友..." " 如果我係學業上有唔明白概地方...我可唔可以問你? "

等等個類概說話....咁樣你地先至有共同話題....有藉口打電話俾佢...
不過呢... 佢係學業為重....你唔好諗多左呀....^^