純gay吧或gay&les吧都可以,但純les吧就唔要了~因為主要係陪個gay既朋友去既關係~
我知好多人答問題都會直接搜張list就轉貼過黎~我自己都識搜|||(知識以前有人問過tim~)
但係我想要d真係去過既人既意見~唔使多,就算只係去過一間,又覺得ok既,都可以推介下比我~(當然多就更好,haha)
其實都冇咩得別要求~
主要係唔可以唔比女仔入啦(好似好多都唔會掛?不過有記住話我知,因為我本身都係女仔,去到唔比我入就死=.=|||)
同埋~最好係附近都有多d酒吧(普通酒吧,唔係要全部gay吧,gay吧一間就可以了)~因為有可能會中途想轉地方呢
希望去過既人來推介一下~~如果有親自寫內容既,我多數會選做最佳答案的^^(起碼有心呢點都抵比分佢)
更新1:
下面果位叫桂華既仁兄，本來都唔想應你不過都係忍唔住 第一，點會冇人去過？如果冇人去就應該執晒，你唔去唔代表唔會有人去，OK? 第二，我係唔係gay關你咩事，仲有女同性戀係叫les，唔係叫gay的=.= 第三，你既概念好有問題，同性戀只係同異性戀相對既一種性取向，唔係任何缺陷or問題，亦唔存在要'搞好'、'搞反'(返?)等等，因為根本就冇任何唔好同唔正常既地方 第四，我係唔想被歧視，但我覺得主要原因係因為有你呢ｄ咁既人，問題係出響你呢ｄ思想狹窄既人身上唔係出係我地身上=.=
更新2:
唔該唔係答問題既唔好亂回覆，我都唔想響度同人鬧交，不過見到人響我既post度講d咁野真係忍唔住=.= p.s. 另外回答問題既oscaryan801，唔該晒先，不過我都想等下有冇其他人答先評最佳答案，anyway thanks!
