倉鼠大肚有咩徵狀?

樓上兩位網友講既野唔同意,希望網友唔好介意及可以留意一下:
1)唔建議用野特別地將籠遮住,咁會令光線改變,令鼠鼠分唔清日夜,除左易令鼠鼠身體產生混亂,失眠,情緒出現問題等負面影響,仲易因改變環境而令鼠鼠情緒不安;其實唔好行埋去,唔好攪佢咁就可以了,如果係有隙既籠,可用透明既膠包住個籠,當然要整d孔俾鼠鼠透氣
2)鼠鼠天生喜歡做窩,所以收埋布,木糠都係十分正常既事,一隻男or一隻女鼠都會有呢個情況
3)唔好俾布俾鼠鼠,布會有線,線有機會纏住鼠鼠既腳,纏住既話,鼠鼠再掙扎,之後就十分難處理了
4)有死b既話,最好都係唔好理佢,鼠媽生b後如果打擾佢,好易會唔理同食鼠b,除非真係發出惡臭,鼠媽又唔理鼠b既屍體,咁既話先可以趁鼠媽唔知既情況下夾走鼠b,如果俾鼠媽見到呢個行為,以為你傷害鼠b,所有鼠b都會較危險
5)打開兩個籠俾鼠媽行唻行去係好危險既事,就算鼠b已經識行識走,都唔可以打擾佢地,一日未戒奶分籠都係,唔可以打擾佢既,雖然唔係100%有事,但咁做對鼠b完全冇幫助既情況下,增加鼠媽唔理鼠b既機會,實在唔值得

A.以你講既資料唻睇,並唔可以話佢咬野同肚郁就係懷孕,鼠鼠牙齒不斷生長,如果唔咬野磨牙,係會死既,而訓覺都唔會完全唔郁

倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既,連獸醫都有機會會驗錯
懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分

B.如果你懷疑佢懷孕,就要留意以下幾點:
1)生育前將鼠爸爸分開籠,單獨放鼠媽媽
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)生之前放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.

食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就會食bb

C.其實鼠鼠最好分籠,繁殖鼠鼠會有好多問題,希望你可以考慮下唔好繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2008-07-09 04:13:07 補充：
回應評價:
成日攪趺隻鼠,如果已懷孕,有機會令鼠b死亡,仲有機會令鼠鼠本身都死,一定要好好照顧鼠鼠,唔好成日整趺佢,就算佢冇事咁,唔係次次都咁好彩,下趺就算冇事,都需要留意返鼠鼠既情況,可參考以下我回答既知識:http://hk.knowledge.yahoo.com/question?qid=7007080806211

懷疑懷孕唔可以成日攪鼠鼠既,而且鼠鼠係訓得幾多下,特別係天熱訓得就更多,留意返鼠鼠身體及排泄物有冇異常,會唔會好冇力之類,如果冇問題既話,就唔洗太擔心
不過你成日趺親佢,小心佢已受傷所以成日訓

倉鼠懷孕期好短,
如果你有比屋仔佢,
到咁上下時候你會睇到佢開始築個產室!

我之前唔知隻鼠做咩,
幫佢地換木糠時,
緊係倒番晒出離啦, 之後佢又整過,
果時係冬天, 唸住比張布仔佢啦!
點知連張布都拎埋入去,
仲o者住個入口, 幾日唔出離, 無耐就生左啦!!!

2008-07-07 22:19:01 補充：
如果真係生左, 而你又見到有d死左(可能有),
唔好用手去拎走佢地wo, 搵對唔要既木筷子夾呀!
唔係會比亞媽咬嫁!!!

仲有一定要分籠, 我就係開頭冇分,
鼠生係咁比個老婆打呀!!

到d BB開始識食野, 你試下打開兩個籠(當然要睇實佢地啦),
你可能會見到亞媽走去偷第二個籠d野食!!!
我果隻係咁, 好搞笑~

個肚仔會脹卜卜！
我唔覺佢個肚仔唔會動喎！
咬嘢？同平時咁…
個PAT PAT 都會大少少，好似好多肉咁！
如果您同佢玩，摸吓佢，
一定唔會好似平時咁，
會兇啲，可能仲會咬您TIM…


如果真係生，
要將其他倉鼠分開，
只可媽媽同BB喺一齊，
唔好摸BB，搞媽媽！
若果媽媽嗅到BB有其他味，
佢會食咗BB…
生前生後，最好比啲嘢遮住佢！
好搞佢地！

個肚真係會比平時大,一日比一日大.拎上手特別重.不過就真係唔覺佢成日咬野.
我以前養個隻倉鼠會變得特別惡,又敏感,唔多接近另一隻倉鼠.