✔ 最佳答案
你有三條路可以行:
1. 直接申請入大學, 要視乎你達唔達到大學嘅要求, 呢樣嘢好睇你選擇邊間大學.
2. 申請入 College, 出年再轉入大學, 如果你揀呢條路嘅話, 出年入勁U嘅機會會比較低, 因為佢地要求入學嘅分數同由中學直入嘅一樣, 但 College 攞高分比中學時難.
3. 重讀中學, 至於入邊一級唔係由你決定, 係由你想入嗰間學校決定, 如果你去嗰啲乜乜學店, 佢會比你讀到十二班都得, 橫惦你唔夠分入大學都係你嘅問題, 總之生意就做得成, 如果入正式嘅學校(本地人讀嗰啲), 就要由學校審查你嘅學歷, 由佢地話比你聽讀邊級, 同埋駛唔駛補多啲英文輔助課程.
當然你可以選擇上面其中一個方法, 但我覺得除非你中7好勁, 英文溝通又冇問題, 分數又高, 如果唔係第三個方法我覺得比較好, 原因:
1. 可以利用十二班嘅時間適應本地生活
2. 可以多啲時間改善英文
3. 盡量响十二班爭取高分數入間比較好嘅大學
其實呢度冇乜話乜嘢讀 foundation, 只不過啲人讀住 College 先第年再轉, 你個 agent 都講得啱, 由 College 轉入 U 係可以, 但我上面方案 2 都提過, 由 College 入 U 比較難攞高分, 就算收都未必入到勁嘅學系, 因為勁學系好似醫科, 商科, 工程之類入學要求比較高, 就算中學入都難, 唔好話你要中途走入嚟, 比你轉得到入嚟都係嗰啲普通系, 唔知你想讀乜. 你投資多一年時間爭打好個低, 總好過入咗 U 後先至發覺呢度唔惦嗰度唔惦.