用firefox 睇唔到中原地圖d 野

暫時而言，即使係用最新版本既Firefox 3.0，本身都係無法開啟到中原地圖。

一般嚟講，網頁都係基於IE嚟寫，所以用Firefox未必見到用IE開到既應有畫面，字型細過係IE開係正常(簡直就係家常便菜)，字型變咗又係另一項家常便菜。

Java項目開唔到又係正常，就算係Yahoo裏面都係好多睇落好簡單既Flash項目都係開唔到，但係用IE又開得番，真係幾激氣架。不過我用咗Firefox已經4年，已經習慣晒。

如果你都係想用Firefox既話，你可以裝一個免費既Firefox既add-on(即係plug-in)，叫IE Tab，專門俾你係Firefox裏面用IE既核心嚟開分頁，瀏覽番用IE先至可以正常顯示或操作既網頁(https://addons.mozilla.org/zh-TW/firefox/downloads/file/31910/ie_tab-1.5.20080618-fx-win.xpi)，我一直都用緊佢嚟應付某啲開唔到既網頁或者一定要用IE嚟開既網頁，一有開唔到就係Firefox裏面開過IE既分頁，正常地睇番晒啲野。好簡單，完全唔難用架。

不妨試下。有時候，開唔到，又要keep住用Firefox既話，都要學下轉轉膊，如果唔係就會玩死自己。一般而言Firefox開網頁都比IE快，甚至有時IE開唔到，Firefox都可以開到，當然專為IE寫既某啲網頁，好似上述情況，就要用番IE或者IE Tab開。始終，為IE設計既網頁仍然係攏斷之中，不過支援Firefox既網頁亦已經大幅度增加緊，相比幾年前我初時開始用Firefox 1.0個陣好多架啦。

希望可以幫到你啦。