6/5裝修完畢, 但裝修完後一星期已發現近窗邊的牆身有裂紋, 司傅已上來修補。
到7/5, 發現睡房牆身及橫樑都有很深的裂紋, 成30CM(很多地方都有), 近窗邊那幅仲由頂到底一路裂落去, 冷氣機附近亦是重災區, D牆皮仲開始翹起呀, 有D仲想跌落黎(牆腳o個D已經跌落黎)。點解會咁o架??
個廳都有裂紋, 但只係近廚房門邊有(暫時發現)。
我呢個星期六(7/12)就要搬入去喇, 因之前未正式開始住, 只係每個星期六日入去住下,所以現在才發現, 但我發現晚上開完冷氣後, 第二天的牆身就更多裂紋!(因我今早(7/7)起來看過牆身, 比昨天又多了很多裂紋!) 另我會在睡房曬衫! 有影響嗎?
司傳現在肯上來整, 但過o左雨季至上來整, 定係要即刻整呢? 因為而家仲好潮濕。
未正式住就已攪成咁喇, 如果長住咁點算呀, 您話我應該點做好呢? 有冇辦法呀, 我唔想補完呢到下次又要補第二度, 因為D傢俱已經黎哂, 我這星期六(7/12)亦會正式搬入去住, 好煩啊!!!
之前裝修時司傳話包剷底+批3浸灰+油3浸油的, ICI 乳膠漆, 點解都會咁架? 我又唔可以質疑佢, 因為是男朋友的親戚, 亦於事無補。
而家見到間房真係想哭呀, 1個月已攪成咁, 我可以點做呢?
P.S. 這是一個450'的單位, 睡房前身是貼牆紙的, 廳就是油油的。
裝修剛好1個月, 但D牆皮已甩出來, 點算呀!!!
2008-07-07 8:17 pm
回答 (4)
2008-07-07 10:48 pm
✔ 最佳答案
一般新做的牆都會有這情況, 因新做的未完全穩定, 出現"收水"現像, 是很常見的現象之一, 亦有油漆師父功力未夠, 所產生的問題, 如光油及灰料份量問題等等. 不過你啱啱裝修完, 當然是叫裝修師父跟進啦, 他們多數會免費幫你維修翻好, 無良裝修除外!維修工序如下 :
1. 先將裂縫擴大 (目的是將周邊鬆散的灰剷除)
2. 油光油 (目的是將灰底拿實)
3. 批灰 (目的是將牆壁的裂縫填平)
4. 打磨平滑及淸理乾淨 (目的是將多餘的灰磨走及使牆壁平直)
5. 油上面油便可 (目的是美化及裝飾之用)
灰料比例如下 :
菜膠35%,福粉55%,石膏粉5%,光油或白膠漿5%.
搓灰程序 :
1.先將菜膠加入光油或白膠漿攪合
2.加入8成福粉攪合
3.再加入2成福粉及石膏粉攪好後才加進一起攪合
注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
以上資料希望可以幫到你, 如再有問題或不明白請補充!
2008-07-09 6:08 pm
照計你所言應該廳房祇是舊牆,房原是牆紙,改油漆,應該先牆紙除下,再用靚光油塗上以掩之前牆紙膠水,再批灰(灰料有落白膠漿會好啲令牆身灰有張力沒有容易裂,再省平牆身,再油漆,。
另牆紙改油漆,這樣做通常造完牆身少有裂或牆皮翹起,因舊牆紙底己用光油黏實,肯定批灰底溝底比例不合,同批灰手功渣,未取到要門,就幫人做祇是學師仔,同時你說一開冷氣機就第二日更多裂痕,應該是批灰未乾透再加天氣潮濕再開冷氣,再回復現時溫度,你想牆身會不會裂,就算現時再修補都沒有用,因下一刻牆身會不會再裂,因功夫太渣(因我見師傳批灰油牆再渣都可以頂3個月才有些少細裂紋出現但不多,但你說裂痕很深很深的裂紋,卽功夫太渣,還有其他地方會裂,不如等待其他地方再出現一次修理,否則下一次會肯再來整都是問題(記住不要對師傳惡,因他修不是做一二天功夫做完,若是就太求其)。
要先將裂痕周邊鬆散的灰剷除(要剷得深一些),再用紋網布(名字不太記得)以膠釘黏實等乾,再看是否乾透,再批灰(一定要加白膠漿,要批幾次),要等乾透才可再批第二層(直到牆身平或再用平底漿填平牆身,要等乾透再省牆身再油漆三次,毎次都要待牆身乾透才可塗第二層油漆,你說是否上你家中很多次,毎次祇是做時間不多,但我說就算師傳今次整完,某日都會再裂因灰底太渣
另牆紙改油漆,這樣做通常造完牆身少有裂或牆皮翹起,因舊牆紙底己用光油黏實,肯定批灰底溝底比例不合,同批灰手功渣,未取到要門,就幫人做祇是學師仔,同時你說一開冷氣機就第二日更多裂痕,應該是批灰未乾透再加天氣潮濕再開冷氣,再回復現時溫度,你想牆身會不會裂,就算現時再修補都沒有用,因下一刻牆身會不會再裂,因功夫太渣(因我見師傳批灰油牆再渣都可以頂3個月才有些少細裂紋出現但不多,但你說裂痕很深很深的裂紋,卽功夫太渣,還有其他地方會裂,不如等待其他地方再出現一次修理,否則下一次會肯再來整都是問題(記住不要對師傳惡,因他修不是做一二天功夫做完,若是就太求其)。
要先將裂痕周邊鬆散的灰剷除(要剷得深一些),再用紋網布(名字不太記得)以膠釘黏實等乾,再看是否乾透,再批灰(一定要加白膠漿,要批幾次),要等乾透才可再批第二層(直到牆身平或再用平底漿填平牆身,要等乾透再省牆身再油漆三次,毎次都要待牆身乾透才可塗第二層油漆,你說是否上你家中很多次,毎次祇是做時間不多,但我說就算師傳今次整完,某日都會再裂因灰底太渣
2008-07-09 9:36 am
其實一般師傅話自己做左幾多幾多工夫都唔太可信,眼見為實~因為照你所講係牆底的''灰''同些''固底漆''多少出了.加上之前天氣時常唔好,令牆內未完全乾涸,而''冷氣"亦係"起泡",反食出裂紋這現象加快出現既元兇,但當下只有請師傅等雨季後先好再反手啦.現在做就算做到的話,(比多三錢心機,九成貴價用料).係再開冷氣既情況下,二.三個月度又要再叫師傅黎過架!如自己做可以照會(Thomas)既方法,不過咁多裂紋,成幅起底做好過呀,但一樣要等雨季後先呀! 希望你有個滑滑牆的安樂窩....
2008-07-07 11:14 pm
THOMAS 個位回答者,好似好有經驗,唔知係咪裝修師傅來的,不如你問定這位回答者取定聯絡資料,到時個位人兄仍攪唔好你間屋,你再駛D錢返攪,搵佢幫下你啦!!好過一邊住一邊驚又唔順眼!第日你搵人裝修都係唔好用親朋好友啦!免問題多多又唔好意思!因為我以前都試過!
收錄日期: 2021-04-13 15:47:43
原文連結 [永久失效]:
https://hk.answers.yahoo.com/question/index?qid=20080707000051KK00902