你女友俾人溝..你係點做

你係msn到同個個人宣示主權
鬧佢做咩hou你條女
寸佢囉-v-

佢又5知你條女既電話

你打電話俾佢,咪即係講晒個電話俾條友仔聽

咪咁傻啦

佢個MSN你就係交友區俾個豬扒...俾晒D豬扒食左佢

等佢享受下與眾不同既戀情。.。

睇佢仲敢唔敢郁你條女[。v。]

HEY~我係一個男仔，
呢一件事都曾經發生o係我身上，所以我好想點醒你。
你女朋友去搭地鐵，地鐵係一個公眾地方，
俾人望下有咩咁出奇呢???
女朋友俾人望即係代表佢有吸引力啦，恭喜你~
成千上萬o既女明星佢地日日都俾人望啦，
唔通佢地o既男朋友又要做d咩喇喎，咁咪好忙@@?
你女朋友一樣，佢作為一個正常o既女仔，
出入公眾場所有人望亦都正常不過，
請問你本人有冇「目及」女仔o既經驗呢??
「目及」女仔，男仔天生o既使命也~
除非當時你在場拖住你女友姐，
如果唔係「目及」你女友o既男仔唔會知佢有男朋友~
佢想識一個佢有興趣o既女仔，有咩問題呢???
做男仔唔該你大方d，
女友俾人望你應該心入面同個男仔講：咦~你識貨喎~!
女朋友唔係淨係o係呢d時候先會俾人撩，
好多時佢都可以o係好多場合識到好多男仔，
例如公司，學校，一班friend出黎玩friend搭friend識，
你唔可以阻止全世界o既任何人識或者追你o既女朋友，
你女朋友亦都有權去選擇任何一個而飛起你，
唔通你要綁住佢唔俾佢有機會接觸異性!!?
佢要去識男仔o既，你除左接受係冇第二個選擇o既，
男未婚女未嫁，你都可以去識女仔啦~
其實講到尾你只不過係對自己同對你女朋友冇信心，
你怕佢會因為人地o既一張紙仔而冇左個女朋友。
我相信除非o個一張紙仔係一張巨額支票，
如果唔係絕對冇拆散一對感情要好o既情侶o既power。
不過你地係唔係感情要好o既情侶我就唔清楚喇，
如果你地平時有好好溝通，大家瞭解對方o既話，
應該就冇乜問題o既~
從你女朋友會同你講返呢一件事上面，
我睇得到佢會對你坦白，佢會同你溝通，
不過你要上黎呢一度問我地會點做，
好明顯你o既自信心真係低得可憐，
而且你唔係好明白你自己o既女朋友囉!!
呢一件事發生左，你應該好好去檢討一下自己，
互相溝通互相遷就對情侶之間o既感情係有好大幫助，
絕對大過上黎問問題，因為我根本唔識你同你女友，
我唔會知道你地之間o既事，
唔通你會覺得我會清楚得過你呢一個當事人咩??
記住，你唔係要對你女朋友或者o個個男仔做d咩，
你係要對你自己做d野先o岩!!!
~*~*~*~*~*~*~*~*~*~*~*~*~*~*~*~*~*~*~*~*~*
我都係講返我上次點做~
我女朋友去餐廳食野o既時候，
有一個waiter問佢拎電話，
其實o個一餐我都有份食o既，
不過我有d事要遲到，
呢件事係我到左之後其他人講返俾我知o既。
當時我知道左我覺得幾搞笑~
好輕鬆咁同我女朋友講：
「人地想識你喎，你有冇俾電話人呀??
既然佢咁大膽當住十幾人面前問你拎電話，
你咪同佢做個朋友囉~」
之後其他人問我，嘩!!你唔怕你條女會俾人搶走咩??
我答：「有咩好怕呢??佢有識任何朋友o既自由，邊怕得咁多呢??
何況我絕對唔認為我女朋友會咁容易就俾人撬得走~」
事實到今時今日我仲係同緊呢個女朋友一齊，
間中我都會問下佢有冇人追佢呀，有冇俾人撩咁樣。
天下間o既女仔始終係鐘意d大方do既男仔o既~
~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

如果我係你,我都會好唔高興!不過你都可以慢慢解釋你架感受比你女友聽,一定要平心靜氣!因為過分緊張只會令你女友唔高興,覺得你唔相信佢!如果佢明白你架感受,佢會知點做!相反講得太多未必太好!

祝你好運!

嘩!你女友一定好靚女啦!!不過你冇即時叫你女友把紙丟去嗎?仍給她帶回家?!! ^~^ , 個男人都好大膽姐,當你冇到!!你都係提醒她,丟去啦!又唔識人!現在有好多騙子架!!小心比人............騙囉!!!但若你女友真係同佢聯絡,你真係要問清楚你女友,她是否愛你,有否當你存在先得啦!!

自己女友有人望
雖然自己唔舒服
但係最緊要係你女友點諗
其實我覺得msn 同 電話都冇問題
如果要比你女友知道你緊張佢同唔想佢同個男仔msn
你咪同佢講囉
你真係好唔鐘意條友先好咁做喎

同條友講呢個係你女朋友 唔好搞佢

再暗示俾女朋友知你唔鍾意呢條友仔 唔好同佢傾電話or msn