我想問Tamron AF18-250mm F/3.5-6.3 Di II (A18N II)配d80好嗎

A18N II有內置摩打而A18沒有,其實支鏡係特登設計俾冇摩打既D60,D40或者D40x用的,因為呢3部機用A18的話會冇咗自動對焦.要用A18N II先有,如果係D80的話,由於佢有機身摩打,咁其實係用到A18而有自動對焦的.不過鏡身有摩打都有好處,就係對焦會比較快同靜,新鏡價錢又唔差幾多,冇摩打既舊鏡應該會慢慢唔出.
但係其實唔係好建議買呢支鏡.老實講用得呢啲高倍變焦鏡都係以方便為大前題,光學質素多多小小有啲犠牲.D80又冇機身防震,支鏡又冇防震,焦距又長,光圈又細,你預咗成日要用腳架都得喇.用得腳架就即係唔方便,光學質素又犠牲咗又唔方便,支鏡又唔係勁平,咁做乜要咁買,不如分兩支好過.
建議你俾多小小買原廠AF-S 18-200mm f3.5-5.6 VR吧,有4級防震,光圈又大小小,光學質素也不差.既然諗住買一支最常用既鏡就唔好慳嗰小小.

以下網頁有鏡頭測試
http://www.photozone.de/Reviews/overview