讀 Part-time Master 如何分配/讀唔讀好?

首先請大家睇睇我而家既情況:
我讀完副學士之後讀 top-up 英國 degree，上年八月 second lower hon 畢業
非常非常好彩，入左間大公司做跟單，間公司既 product 係我由細到大都有興趣的，所以而家做得都幾開心，而因為我對件 product 都非常有認識，所以 manager 都好睇好我比好多大客我跟
而家嚮哩間公司已經做左九個月喇

間公司 OT 好緊要，平均朝九晚九，仲要我住得好遠，日日番工放工搭地鐵來回都要兩個鐘
即係話我七點半起身出門口，夜晚十點先番到屋企，食飯 hea 陣就訓覺，好就好在番五日工


因為深知讀書/智識既重要性，我都非常想繼續進修，但係因為好多 part-time 都要平日夜晚番，所以我都一直搵唔到岩既課程..

最近見到 Space 同 Curtin 搞左個 Master in International Trade，淨係星期六日番學，讀兩年
好心郁郁好想去報，問過好多人意見，公司 department head, HR manager, 朋友，親戚，個個都當然係答:"應付到既梗係好啦"

問題係... 現實上究竟我應唔應付到呢??

我諗過，到時讀果陣真係應付唔黎最多咪辭左份工佢讀囉，但係問題係我而家嚮哩度做得都幾開心，又有滿足感，出到去第二 d 公司，真係唔知搵唔搵得番咁岩，就算工作量無咁大..

其實平時我番工放工搭地鐵，可以用哩 d 時間黎搵書，但係個 course 好多 Econ, Finance 野，哩 d course 真係要落手落腳去做習作，唔係話睇齋書就睇得識... 所以搭車都未必可以搵到書...

平日要番工既日子基本上我都無時間黎放工做功課，所以只係得番星期六日兩日，兩日夠唔夠應付呢? 上堂用左幾個鐘，淨番既時間夠唔夠我做功課，溫書? 當然需要諗埋仲有無時間去比自己約下 fd 娛樂下啦

大大話話個 master 讀兩年，係讀既話辛苦就一定架喇，我就諗住趁後生捱多 d 麻，但係又的確好怕自己如果捱唔惦咁點算!? 轉工又真係好可惜因為而家份工真係唔錯，但係讀到一半唔讀就更加係一事無成兼徙錢...

請問各位有無類似既遭遇? 有無人又有讀 Part-time master 既辛酸經驗可以分享下比我聽?? 有無人可以幫我分析一下我而家既情況?

Thanks in advance!