✔ 最佳答案
首先,你想問"邊個會係好D?" 即係問食蘋果定食橙好。
好難答你。
考機師係唔需要太高學歷,中七畢業就可以去國泰考。不過絕對唔易考。
讀獸醫要求較高,如果去澳洲讀,入學要求同讀醫既要求不相上下。
俾我揀,又讀到,我會揀獸醫。
香港出生率下降,好多人都養寵物。佢地對寵物既愛同仔女一樣咁深。但係,醫死動物同醫死人既責任係呢個社會上有好大差別。有幾多人會因為醫死動物去告個獸醫醫療失誤丫。就算係失誤,你都唔知啦。
但係搵既錢呢? 醫一個人收百零兩百蚊,醫一隻寵物收五舊幾六舊。個零鐘先有一個客黎睇你,你都維到皮啦。
機師? 飛一程去美國要十零粒鐘,加埋jetlag,做幾年都殘啦。你想做幾多年丫? 責任又大,負責幾百條人命,壓力又大,俾多幾年你做你都唔想做啦。
不過工作既野,要講興趣。我話個蘋果又硬又難咬,你可能會話就係貪佢夠爽。
意見就係咁俾,資料既野,你有心讀既就自己搵。自己既前途,自己掌握下啦,無理由呢d都要人地餵到埋口。