✔ 最佳答案
換完水 pH 高過7,即係你d自來水都係偏醶架啦。咁 pH 去到5-6,應該係來自底床。個缸係唔係泥底?或者濾材有泥炭苔?
呢個 set up 對水草同燈魚都有好處無壞處,但對孔雀就有燒尾o既危險,可以話係揀錯配搭啦。
如果唔取走泥底,唯有用珊瑚骨。用前你可以用水浸下、揚下,等d碎同粉沖走,然後先入缸。
由於個缸係長期受泥釋出o既腐植酸影響而變得偏酸,珊瑚骨o係作用就要中和酸性,所以當然要長期放啦。
但係由於你個缸仲有鍾意偏酸o既燈魚,所以你唔可令水變得偏醶,唯一方法,係要取中庸之道:希望保持 pH7,咁就兩種魚都ok。
因此,你要慢慢調校珊瑚骨用量,逐少放,之後等一日,睇下d水去到幾多 pH,再酌量加減珊瑚骨。可以話係冇數計,靠實驗去決定用量係多,先中和到你d泥o既酸性。
但其實可以咁講,呢個做法有d搵o黎搞,你個缸只有水榕扎o係沉木上,冇插泥o既水草,如果真係用泥底,可以話係多餘左啦。
如果你之後都會養呢兩種魚而唔會插水草,與期用珊瑚骨中和泥o既功能,不如抽走夠水、撈走d魚、反缸起泥,改用中性o既黑鋼砂鋪底好過。因為自來水放耐左,只會輕微偏醶。就算你將來要種草,都可以o係黑鋼砂下面鋪基肥就得,只係水唔偏酸,某d品種可能種唔到。但只有咁先可以長久解決你o既 pH 問題。
2008-07-07 11:10:46 補充:
「一些有啡有白有黑有灰的細粒狀沙石」
講真,真係唔知你o個d係乜野沙石,因為一般常用o既沙石,都只會令水偏鹼。
不過唔緊要,因為能夠令 pH 長期大受影響,一定係大量o既物料,唔係低床就係濾材。濾材中生物環、生化棉、活性碳都唔會改變 pH,塑膠亦唔會。如果你有其他濾材,可以抽出o黎一排再試下度 pH。都冇效,就相信係底床。