請問鏡頭防震功用大不大

每人既手都有唔同程度既定力,
透過訓練可以令手震程度減低,
亦即係話可以用慢一o的既快門.

不過, 當持機既人手唔得定,
咁防震當然有幫助.

只係, 好多人以為防震大晒,
有防震就算可以慢三級快門,
如果自己既手唔得定, 仍然可以拍出鬆郁矇既相出黎,

所以, 應該將防震睇成一支鏡頭既bonus,
同閃光燈, 腳架, 等一樣,
只係一個輔助,

事實上, 遠攝時, 利用腳架的確好過靠防震,
依家計埋crop factor, DSLR既焦距隨時去到400mm或以上,
防震可以幫到既, 真係唔大.

計埋crop factor, 你支200mm可以當到320mm,
我就算計埋防震, 都唔易影架.


2008-07-07 13:18:20 補充：
換過另一個比喻你會明白一o的,
防震就好似車既自動波咁,
你話買車係咪一定要自動波丫?
梗有人話: "一定! 唔係車廠點會出自動波? 而且手動波都咁好用咁自動波掉得啦係咪?"

識渣車既, 都會覺得手動波好玩, 不過自動波較方便(職業司機九成九都覺得自動波好)

返去題目.
防震有幾重要, 其實睇你有幾識持機拍攝.
我都講過, 遠距離拍攝時, 佢既功用已經唔係大家所諗咁好,
咁, 帶腳架的確會比只靠防好. 雙重保險總比單靠一樣穩陣, 係咪?

2008-07-07 13:19:17 補充：
至於咩酒樓set 腳架... 見到呢o的"論據" 有時真係叫人啼笑皆非,
酒樓影相, 乜會要用到200mm架咩?
一般酒樓影相~35mm已足夠, 呢個情況下一般中式酒已經唔使開閃燈,
去到西式餐廳, 燈光暗, 到時, 又開咩防震都唔夠用, 最後咪要靠閃燈囉.


噢係呀, 除左防震之外, 仲可以用閃燈架.

2008-07-07 13:23:38 補充：
不過, 博物館唔俾用閃燈,

但係博物館照明足夠,
利用普通setting, f2.8~4已經足夠去到一般人既安全範圍,
景深會出事? 1.4光圈, 100mm 鏡頭, 最近對焦點就有可能,
不過100mm時又未必支支有1.4光圈呢.
而且, 你影既物件細, 景深就實包得晒,
你影既物件大, 唔去得咁近, 景深就淺極有限, 又係多數包得晒.


就如我之前答你條題一樣, 夾硬要做個環境出黎話只可以靠防震實得架,
只係將防震睇到咁大, 到最後你忽略左好多其他方法,
到時, 成萬蚊一部DSLR仲要比人地DC你影得差,

你甘心咩?

防震有沒有需要主要視乎快門有多快.即使係廣角焦距,如果快門速度非常慢係一樣會受手震影響的.所以就有安全快門的理論.
一般認為安全快門約等於焦距的倒數,即係用200mm焦距,快門速度最好快過1/200秒.來到數碼年代.Nikon DX格式有1.5倍焦距增長,200mm的等效焦距變了300mm.安全快也要提升到1/300秒.Nikon 18-200mm呢支鏡約可以降3至4級安全快門,用翻相同例子,以降3級快門值計算,安全快門大約只需要1/40秒,比起1/300秒,如果光線不是太差的話,這是一個非常容易達到的快門.可以大大減低使用高iso的需要.
但係如果係室內低光環境,尤其遠攝時光圈會變細,就分分鐘開iso 1600都去唔到.這時防震就會失效.
戶外一樣,如果你唔注意快門速度,又下下諗住低iso畫質靚,令快門速度在防震極限外.防震就會失效.
200mm唔算太長焦距,我經常都手持500mm影相,支鏡光圈仲要只有f6.3.為咗快門速度唔會太慢,有時日光日白我都會用iso 400的.防震係要咁計住計住用的,並唔係開咗就乜都唔駛理.
另外一個好重要的因素就係部機握持得夠唔夠穏陣.首先快門唔夠快千萬唔好用live view,睇LCD取景穏定性是十分差的.就算用觀景窗取景,亦要注意姿勢,手肋離晒身,自己都覺得搖搖下就唔該用快啲快門.
雖然透過練習,有些人係可以用比安全快門稍慢的快門仍然拍出清晰的照片,不過人始終有極限,唔可以好似有防震咁慢咁多.
最後就係如果加埋高iso都唔掂,就始終要用腳架,影都唔可以手持200mm影夜景呱.


2008-07-07 09:31:23 補充：
腳架係無限級防震,光學防震只係3至5級.如果計數字,咁光學防震可以掉得.
但係點解有咁多人唔帶腳架呢?除咗怕麻煩之外,仲因為好多地方係唔歡迎用腳架的.一啲室內博物館莫講話腳架,閃光燈都唔俾用.唔用防震就只可以用大光圈同高iso,就要犠牲景深同增加雜訊.一啲細小展品用f1.8等大光圈影,景深會淺到幾乎分別唔到是甚麼.
又假設在酒樓食飯影張相,你唔會誇張到用腳架呱?你唔嫌麻煩都會阻到人,影靚相係重要,不過做人都要顧下公德.
至於用閃燈冇錯係可以好有效加快快門,呢個亦係好多人會採用既方法,不過就只解決到面前十幾呎範圍內既嘢,遠固然閃唔到.如果你的構圖有前後景而後景又稍遠的話,背景仲會嚴重曝光不足.

2008-07-07 09:31:42 補充：
至於防震係咪只可以當一個保險而遠攝一定要用腳架呢?我覺得要睇情況,光線差到過咗防震極限當然唔駛諗,平時室外又有準備的話帶腳架當然最穏陣,但我相信問得呢條問題就係想尋求其他方法.正如之前我所講,我經常都手持500mm,等效750mm鏡頭影相.400mm有防震幫助,就算天陰小小都應該冇問題,出猛太陽的話冇防震都仲得.
我強調我既標準係用咗防震之後在相同設定下效果要同用腳架一樣,否則都叫失敗.因為有啲人喜歡誇大,一味話自己點手定,手持300mm用1/15秒快門唔駛防震都得,但係睇翻佢啲相只係發覺佢對清晰度要求比較低.

2008-07-07 15:23:23 補充：
用手波車,自動波車去比喻冇防震同有防震在邏輯上有問題.同一路面情況,有冇自動波都可以順利操作到架車,分別只不過係有冇咁好玩同埋有冇咁方便.
但係慢快門時有冇防震既分別就係影到定影唔到,跟本個比喻就有問題.
識渣機就唔駛防震呢個論點之前已經講咗唔係,你亦在我既評論度拗到自己口啞啞冇嘢講,做乜又要重覆又重覆.
http://hk.knowledge.yahoo.com/question/article?qid=6908052902783

2008-07-07 15:23:40 補充：
我記憶中你係冇用防震鏡的,你憑甚麼咁肯定防震在遠攝焦距冇用?如果淨係學下渣機就可以唔駛用防震,咁Canon嗰啲300mm f4 IS, 400mm f4 IS出來做乜,zoom鏡就話個防震可以用在wide嗰段啫,定焦鏡400mm就係400mm,如果防震冇幫助出來係為咗貪得意?
我冇話過酒樓相要用200mm,至於35mm冇防震下要用幾大光圈,幾高iso先夠我唔駛同你拗,發問者自己都有部相機,佢自然會試,大光圈,高iso同閃燈既問題之前已經講咗,唔再重覆又重覆.

2008-07-07 15:24:07 補充：
博物館照明已足夠?我真係想知你其實去過博物館未,你講嗰啲咁光猛既博物館我真係想見識下,我昨日就去咗海防博物館,iso 400, f4,快門1/10秒都未必有.你講既普通設定係咪用iso 1600?
f2.8光圈係咪包得晒細物件我又係唔駛同你拗,發問者自己都有部相機,求其搵件模型試下就知邊個人亂up.
不過咁,如果好似你教人影蝴蝶咁用100mm鏡,成兩,三呎影埋去影到豆豉咁細粒,咁景深就夠既,不過就睇得唔清楚喇.

2008-07-07 15:24:15 補充：
最後嗰段其實唔知你想表達甚麼,我反而覺得你想搵啲環境避開防震的需要.同埋做乜每次都要假設用防震既人就代表乜都唔識,影相會衰過用DC仔,不過依家好多DC仔都加入防震喇.手震既DSLR係有機會衰過DC仔唔手震既相的.