養魚 換水問題

缸水會自動少,係好正常的事,無錯,水係會自然蒸發的,唔係有咩問題。

你阿媽幫你加番D新水落去,係無問題的,有時我見水少左,都會咁做。但係唔好忘記,就算你加番少少新水,都要落除氯氣。
回應樓上某人話,阿媽加少少新水冇養水的問題,其實加少少新水冇養水係唔駛死o既~我養左咁耐成日都係咁做架啦!都冇咩大問題,最緊要係換水的水係養水o者!

咁樣當然唔算係換水,「換水」的意思係要將你缸入面的污糟水及物質取走,取而代之的是乾淨的水。咁樣先至叫做「換水」,你而家的做法只係「加水」,而唔係「換水」。

我都係用緊掛濾,缸底的屎係比較難清,缸吸管係其中一個清理方法,缸吸管有個好處,係如果D魚的便便沉左落沙與沙之間,你換水係好難清理到的,你用吸管,就會將好多污糟野吸走,但係就要比較花功夫和時間,睇下你覺唔覺得麻煩囉~仲有,我試過因為餵食太多魚糧,令沙入面生出一條條白色的線蟲,都係透過用缸吸管,先至見到,雖然白色線蟲對魚無害,但起碼我知道自己餵太多魚糧的問題囉~所以我有時都會用吸管吸下沙入面的污糟野。

另外,我自己就試過響準備換水(即係將舊水抽走的一刻),用吸管攪動下D沙,等D污糟野浮上水面,跟住即刻用抽水器,就可以吸走好多污糟野。不過魚魚亦會吸入呢D污糟野,所以唔建議你成日咁做。

所以我還是建議你,每隔一段時候,將缸入面的沙全部撓起,用清水徹底沖洗,呢個係最乾淨的方法,最後用滾水洗一洗D沙,再放入缸,包保乾淨。

最後我建議你,可以每星期換水一次,每次換1/3.換入去的水要養水(即係早一晚留定水),因為隔夜水可以揮發走部份氯氣,但係就算係養左水,我換完水都會加番除氯氣。

老鼠、琵琶、小精靈、金青苔.
都唔食屎,只會食苔,而老鼠只會吃魚糧.
又會吃底下留下的糧.清理一番.
所以以上都叫工作魚.

I have two tanks of fishes and I totally agree with hkwaddle. Also I found hkwaddle's post very correct and very entertaining. I almost laughed out loud at my work desk tim :P

蒸發是自然現象,基本上任何時間地點都在進行,除非相對濕度達100%,蒸發現象會暫時停一下,因風一吹過,或溫度的改變,都會再次影響蒸發作用.況且泵一定有熱力,會加強蒸發作用的進行,缸面的大小亦對氣體的交換作用有影響,因此蒸發作用是不能避免的.如果水少了,只須加入一定的水補充即可,但不等於換水,換水的意義是把魚缸內的有害物質透過新水的加入把有害物質稀釋及抽走舊水時把有害物質帶走.一般新水含有氯氣,對魚有害,但經驗告訴我,如你住在高層單位,水先經大廈水箱儲水一定時候後才會被你用到,此時氯氣多已自動流失,不一定要加除氯劑.
至於缸底的垃圾,最簡單的處理方法是選用清缸飼養,再在底部加一個潛水泵造水流,令缸底的污物揚起,水流經過濾水器作物理過濾後,已比較乾淨,如果玩鹹水,建議把臭氧打入化氮器內,水質在短時間內即有明顯改善

你個缸D水會自動小....一定係會蒸發! 燈, 冷氣, 水冷, 風扇及天氣熱都係D水蒸發之原因! 就咁加番D 新水落去, 絕對可以, 因為添D水入缸比例只係好少!

用掛瀘, 我提議你將條吸水喉加長, 儘量貼近底部, D屎就比較容易清到...再唔係加個三兩十蚊o既潛水濾水器, 做一做水流, 又經濟, 又可清哂缸底D屎!
係咁多!!

= =
讀地理既人一定識,
因為係常識~
水係會蒸發上天空,
冷卻後凝結成雲,
再落返落地面~
所以魚缸水會蒸發係好正常= =
「我阿媽見D 水少到咁上下...就咁加番D 新水落去」
你有冇問問你媽媽有冇養過嫁d水????
水喉水有氯氣,
唔可以直接落入魚缸度嫁啵= =
如果唔係會對魚既健康有影響,
其實唔單只係魚,
其他淡水生物都係一樣
例如係寄居蟹~
其實蒸發左既水咪等於換走部分old水,
所以都算係換水既,
但蒸得既都唔多啦
所以最好都係再抽多1/3至1/4既水去換~
換水前要養水呀~
養水就只係放盆水係屋企是但一度,
放一至兩日左右就除到d氯氣嫁啦,
果時就用得囉~
有人會用果d好似科學用既吸管去吸屎,
咁係有效,
但你覺得要吸幾多次呢= =!?
吸都吸死你呀......
所以建議你買工作魚,
一般有老鼠、琵琶、小精靈、金青苔等等
老鼠就分白老鼠同花老鼠,
琵琶就分咩金點、虎紋咁樣啦~
(唔好意思,我對琵琶唔係好認識= =)

我認為魚缸D水自動少的原因不會是蒸發or D魚飲左d水.(魚係5會飲水架,D水中有佢地的Food,d水會在魚鰓過濾fan 出o來架!!!^^XD).而我認為魚缸D水自動少的真正原因係魚缸漏水or海棉吸水姐!!
......................你咁都算換水呀!?你最好就將魚+water倒去一些容器,再擦下個缸,加番D 新水落去,再遂條遂條魚放返落去,今次換水任務完成^^!!!至於缸吸管la.........5好用la.
如果你係真正愛你o的魚,就跟我的方法la!!^^


by 一個F.2愛魚之人-----Sakura

你有冇開冷氣？
圖片參考：http://tw.yimg.com/i/tw/ugc/rte/smiley_4.gif

由雪櫃取出一罐汽水，唔開冷氣，好快就成罐都係水；開冷氣的話，就唔多覺有水啦。
點解？因為冷氣就算唔開抽濕，其實都有抽濕功能。室內空氣乾ｄ，水氣就唔會凝結o係罐身。魚缸ｄ水，亦會因為空氣較乾而蒸發得較快。
就算唔開冷氣，呢排咁熱，你有冇用夾扇降溫？呢個方法同出汗時吹風扇原理一樣，水蒸發帶走熱能，有風就蒸發快ｄ，帶走多ｄ熱。
－　－　－　－　－　－　－　－　－　－　－
有冇試過去海灘游水冇沖身，水乾左身上有鹽？
水蒸發會帶走熱能，但係帶唔走溶左o係水o既物質。所以水蒸發左，裏面o既物質會濃度高左！加返水入去，只係將濃度降返低，咁當然唔算換左水啦。
－　－　－　－　－　－　－　－　－　－　－
過濾器唔係為左吸屎而設。否則都叫做吸屎器啦。過濾器有濾棉，將大粒垃圾隔住，呢個係物理過濾；之後生物環會有大量硝化細菌繁殖，ｄ菌會將水中由屎尿度o黎o既阿摩尼亞變成較低毒性o既氮化物，呢個係生物過濾。
所以，過濾器正確o黎講只係濾水器，除非水流將屎沖到入水口，否則會冇可能吸得起ｄ屎。屎始終係人手吸o既，一於用虹吸管啦
圖片參考：http://tw.yimg.com/i/tw/ugc/rte/smiley_4.gif


2008-07-06 20:52:36 補充：
回應樓上：

淡水魚唔會飲好多水，因為咁會沖淡ｄ體液。同時，飲左咪又係放返入個缸度？咁水o既體積唔會少o左咁多架喎。

－　－　－　－　－　－　－　－　－　－　－

清道夫定琵琶？你發清楚未？兩種魚o黎過。前者係灰色細長o既，係金青苔o既原種；後者係黑色可以好大條o既。

無論邊種，佢地都唔食屎，只會疴屎。

2008-07-06 23:47:23 補充：
回應樓下：

三樓：魚鰓唔係過濾用器官．．．有冇讀過ｂｉｏ？

四樓：讀過地理，都應該有讀過 IS。如我所講，水蒸發唔會帶走雜質，所以蒸餾水先會話係「清純」。如果水蒸發o左，雜質留低，你再加返水入去，係係換左「純水」，但呢個唔係我地養魚o既人o既「換水」（抽走舊水同污染物，令水清潔）概念卦？

仲有，魚真係會食屎？如果真係，咁你將一個缸仔養一條工作魚，只要餵一次，等佢疴屎，然後食返，再疴、再食、再疴、再食．．．咁咪可以永遠循環唔駛再落糧？！你相唔相信呢個謬論？呢位同學答左咁多問題，去到「碩士級」，係唔係應該搞清楚一ｄ概念？

2008-07-06 23:48:54 補充：
又，換水一次，集中吸缸底，都吸走唔少屎啦。唔係叫你用 IS o既 dropper 逐粒吸喎，有幾辛苦，有幾易「吸死你」呢又？

我之前都養過魚..d水又真係好似會少左d=.=
不過IS堂教過水既蒸發速度..係室溫到水冇可能蒸發得咁快bo=.=
所以我諗應該係d魚飲左d水XDDD(掛)

如果你想清缸底D屎呢,,,不如你都係養返(幾)隻"清道fu"啦~
環保=] 方便=] 唔洗自己郁手=]
所以真係一流=]
希望會幫到你啦=]