倉鼠,一男一女放係一齊,隻男ge追住個女ge...係咩事?

佢地有冇打交?有冇打傷?兩隻鼠一齊住,仲要一大一細,一男一女,實在好易打傷打死

1.應該係想打交,但都可能係因想放配另一隻唔肯而打,建議你盡快分開佢地,唔係到打死打傷先處理,就太遲了

2.鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦.就算冇打傷,唔好以為驚就冇事,驚都會有機會誘發疾病,如濕尾症,皮膚病,肚瀉等

3.已經打交or想打交,一定要分籠,唔值得用鼠鼠既生命去博佢地忽然冇事會較好
倉鼠打交係因為佢地本身就係獨居動物,根本唔適合同其他鼠一齊住,呢d係天性唻,我明白坊間同鼠店都話倉鼠係群居,但從生物學角度,鼠鼠真係獨居架,只係多數鼠細個都唔打交,所以就易令人有錯覺,又有好多人話鼠打交只係,甚至話係增進感情,好彩就打唔傷,但留意一下過去既知識,就見到有不少鼠打傷打死

其實鼠鼠最好分籠,繁殖鼠鼠會有好多問題,希望你可以考慮唔好繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
a)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
b)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
c)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
d) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
e)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

4.另外,唔知你既鼠鼠有冇受傷,就算冇受傷都受驚,受驚好易生病,一定要keep住檢查鼠鼠既身體及排泄物有冇異常,一有異常就盡快處理,如有外傷,處理方法可參考以下我回答既知識:
http://hk.knowledge.yahoo.com/question?qid=7008041200862

其實真係兩個可能都有.打架或交配,不過如果係交配就肯定隻女既唔鍾意.
不過以前我養倉鼠個時,都有咁既情況,不過開始個時我無分開佢地,最後都生左幾胎.不過之後我個隻女既鼠鼠真係有試過打傷隻公既,都幾傷架,所以最後我都係分開左佢地.
如果你個兩隻以後有機會生bb,你記得一定要分開佢地,而且唔好掂鼠bb,唔好去搞佢地,如果唔係,隻鼠媽媽會因為覺得唔安全而食左d鼠bb.
以前我唔知,所以頭一胎全軍覆沒.