想知北京有咩玩?(已報團)

你報團？自由行定點先？=.=
1>唔鍾意呢古色古香野可以去下什剎海地區同帽兒胡同~
呢兩度都有好多特色酒吧同小店既~
又或者去果園摘桃！(而家當造呀！！又香又甜！)
王府井都得~shopping行街~食小食咁~夜晚行遠少少仲有個東華門夜市！食到你唔食！清真羊肉串和炸昆蟲(例如炸草蜢~炸蠍子~ 炸禾花雀)，海星海膽都有！

2>都無咩特別注意既...唔好帶d疑似攻擊武器既野~搭地鐵都可能要過x光安全帶~同"body check"！

就奧運保安好好！但都係個句~財不可露眼~呢d旅行常識都要唔理安唔安全都應該要有~
自己都要小心財物架啦！

3>第一題答既都係晚上可以去玩既地方黎既~
一晚去一個地方都夠啦！

4>好食既都好多播~
趕住出去~今晚補打你知~

2008-07-12 09:55:53 補充：
哦~~
即係朝早既行程已經定晒啦？

SHOPPIONG就視乎你想買咩野播...
書城？大型百貨商場？特色手信？食既手信？

基本上王府井係咩都有架喇！又最方便去！
商場就一般開到9點~五六日就到10點~有「北京百貨大樓」(行入小小)，又有「東方新天地」(地鐵站一出就見到)，仲有「新東安市場」(行到差唔多東華門夜市個度)。
店鋪黎講，東方就最西化，好多名牌，北京百貨就國貨店較多~新東安就咩都有~地下一層就「老北京一條街」~特色手信都買到~~
不過我自己就無咩點行商場~係睇番旅遊書至知入面有咩~

又有大型書店~一入去就有王府井書店~開到9點~

2008-07-12 09:56:26 補充：
食就唔使講啦~五點半至九點十就有東華門夜市~
睇落就唔係話好長既一條街仔~(d小食車唔係排到好長)
不過...要由頭食到尾就真係夠晒皮=.=(最平五蚊起)
有個要注意就係要講好價錢至好拎佢既野！唔好俾佢話拎左先拎左先...拎左就貴架喇！未講掂數就咪制！
有時雖然係差個幾蚊...唔係俾唔起~但感覺俾人屈左就影響心情啦！

我個次係仲有一個鐘收檔~
所以有好多店都自動話平d~串燒又會買一送一咁~
你幾平買到就睇你數口有幾好喇XDD
同埋佢地好叻...連廣東話、日文都講得幾句...=.=好搞笑囉~！

2008-07-12 09:56:35 補充：
仲有「王府井小吃街」(百貨大樓旁邊入)，都好串燒之類既小食
仲有賣手信既檔~幾多得意野賣既~
不過一般都係開天殺價落地還錢~要買就加油講價喇！

要買食既野做手信呢~
王府井大街都有好多選擇...你一路行就會見到架喇~我唔多講~
連真空包既片皮鴨都有架！

其實你住咩酒店？近邊頭？
咁可以講番有咩方便你去囉~
順便可以幫你睇下點去好嘛~~北京d車都好方便既~同埋平！
地鐵2蚊次搭到邊都得！公交車就1蚊左右~大部份都係搭到邊一樣價！
我去咁多日係去得夜(十點十一點度...就無咩人)費事等/搵車至打的過2次~
起標就已經10蚊架喇~

北京的名勝古蹟有:


故宮-紫禁城


天壇


十三陵


圓明園遺址


天安門廣場


頤和園


景山公園--崇禎皇帝自隘的地方


北海公園


蘆溝橋


萬里長城


胡同等等都是北京著名的名勝古蹟,


當然, 更有新建的現代化建築物,


水立方, 鳥巢 , 城市規劃展覽館和世貿天階等.

奧運臨近, 治安必定好,
去年十月我到北京時, 已感到保安非常嚴密,
尤其是在天安門廣場附近,
每隔十米左右便有一人站崗,
北京晚上除了行食街, 行商場外,
在剎什海旁的酒吧街, 在露天海旁,燭光下閒坐,聽歌喝酒,
很有情調和氣氛.
還有, 在附近隨時有機會看到十幾二十人,
在晚上的行人路上跳著社交舞,
在香港難得一見哩
最後, 就是晚上的天安門廣場及長安大街的燈色很美,
以前有小女孩在天安門廣場賣花給情侶,
我曾在那裡渡過一個浪漫的晚上,
不知現在還有沒有人賣花了!

答一 水立方、鳥巢、溫泉、三里屯酒吧街、鐘樓、鼓樓、四合園、名人故居、胡同、軍事博物館一定要去好正免費的！答二無保安很好答三 三里屯酒吧街、皇府井大街 答四 狗不理包子和全聚得烤鴨是相對面的東來順涮羊肉、必吃小食.爆肚, 驢打滾, 冰糖葫蘆,
地址都在皇府井大街

回2, 保安很好
回3, 有條街叫鬼街, 在領士館區,很多酒吧和食店
回4, 片皮鴨,全聚德很正.
希望可以幫到你!