HITACHI電視一問

如果觀賞距離一樣,單計解像度的話,咁理論上係正確的.一部貴好多既29吋電視同一部幾百蚊既14吋電視機比,如果走到畫面前一呎左右睇,咁14吋電視畫面一定較細密,不過去到6呎遠睇,14吋就會太細睇唔清楚,就會需要一部大呎吋電視.
所以大呎吋既電視就應該有一個比較遠既觀賞距離,如果你屋企觀賞距離只係得三,四呎遠,咁真係唔好買咁大,睇高清的話,建議觀賞距離最好有畫面3倍高,標清的話最好去到5倍左右.理論值的7倍我覺得已經太遠.
42吋其實同37吋大細其實唔係差好遠,觀賞距離夠的話,肉眼唔太覺有分別的.如果有8呎左右觀賞距離的話,買42吋應該睇埋標清都冇問題.37吋只會覺得細咗,如果單睇高清的話,5呎都OK可以睇42吋.
不過夠唔夠大呢啲嘢好個人,最好自己屋企用隻腳計翻行幾多步,或者帶埋把呎去都得,直接去電器舖行翻同一距離,分別睇睇高清同標清訊號睇下接唔接受得到.