專業人士請進(孕婦飲食問題)

1.我想問孕婦係咪要少用鼓油做調味料呀?係咪生出黎個bb會黑色肌膚呀?
答：孕婦少用豉油，對於生出黎既BB肌膚顏色是否黑，是沒有關係的。(例子：我對下有兩個妹妹，兩個肌膚都是黑。而我就是白的，媽媽曾告訴我，懷孕緊我兩個妹妹時。她經常飲牛奶的，而懷孕我則沒有飲過牛奶。)
2.咁孕婦唔可以食生冷野,咁生冷野包括d咩呀?
答：孕婦須避免進食生冷野，例如所有雪過落雪櫃凍的食物、壽司、魚生。(未經過煮熟或煮熱過的食物)
3.可以食壽司,魚生嗎?
答：孕婦應該避免吃壽司、魚生，因為該食物此終沒有經過煮熱，當中有極大機會含細菌。(我由有左到依家，都沒有進食過。唯有等到生完先大吃一餐吧!>~<)
4.有咩要食多d?有咩要少食呀?
答：要多吃蔬菜、生果、蛋等一些含有高營養食物，而脂肪較高、肥膩食物、生冷野則要吃少。例如：薯片、汽水、魚生......
5.海鮮食唔食得架?
答：海鮮就最好避免吃(除左魚)，因會影響BB日後皮膚容易過敏。(本人就餐餐都會吃好多魚，因為魚當中含較高的營養。)
6.而家懷孕已2個月,有咩要特別注意架?
答：頭三個月要避免太粗勞(拎重野、爬高爬低等等)，須多作休息，因為該段日子會比較容易流產。(但過了三個月都須要小心，本人現在七個月了，但都會更加小心。
7.孕婦係咪要少d對電腦呀?
答：這個問題聽別人說都會有 一定影響，如果能避免就盡量避免。(本人工作須要長期對電腦，所以都沒法子。唯有每隔一陣就休息吧!)
8.孕婦可以做d咩運動架?可以游水嗎?
答：頭三個月都避免做運動吧，等過左依段時期才做。到時可以上一些產前孕婦運動班，而游泳則是可以的。^^

希望我既回答能幫到你啦!祝你同BB健健康康!

基本上飲咩同食咩對生出黎個bb既膚色係冇影響
亦冇科學根據既，就算非洲黑人日日飲奶都生唔到白雪雪bb啦
膚色有基恩遺傳架嘛 (以上例子絕無歧視成份)

生冷野係包括雪過既所以食物飲品，總知果件食物飲品
你凍既都算係生冷野，除左生冷野之外，寒涼都唔得架
呢d食物就算唔凍都唔可以食/飲，例如係豆漿、西瓜、涼粉等等
尤其身體較虛弱既女士，真係點都唔好點

壽司魚生就睇你個人喇，熟既壽司當然冇問題
魚生算係未煮過既食物，一般人都唔建議食咁多
可況有個小生命係肚內，免得過都免

中醫角度﹕除左煎炸熱氣，寒涼熱毒唔食得
其他咩都食得，多小既份量當然要睇番你自己個人既髒質
多d食蔬菜生果(蘋果橙最好)，白肉(雞同豬)
可以既話一日飲一杯奶，對身體同bb都有益

海鮮類，除左魚之外，其他都盡量唔好食
因為海鮮大部份都屬於熱毒
食左比bb吸收左，對bb既皮膚有影響

懷孕2個月，一定要多d休息，唔好操勞
最好訓多d，保持心情開朗，定時進食，食有營養食物

電腦方面，已經證實左電腦發出既物質對孕婦完全冇影響
(只肯在正常的情況下使用)
如果你係番工要用電腦，六七個鐘都冇事既
我有左果時都係一日對住電腦對到黑，都冇事啦
最多係對眼同腰骨累一點，得閒起身行下去廁所
休息下就冇問題架喇

孕婦可以游水架，不過最好都等你過左三個月穩定左先
外國都好多人大肚游水，聽講對生果時會有幫助添
運動既話好多都ok，不過太大動作就唔得喇
尤其係懷孕後期，咁大個肚，行多幾步都腰骨痛到死
都幾難運動，不過有d運動特別為孕婦而設
可以減輕腰骨痛同有助生產
不過有好多款，可以試下去母嬰健康院個網站到睇下