天光墟的孔雀魚D水好黃，點解？

１．原因好易理解，ｄ貨未賣出，佢唔會想ｄ魚死，所以加藥一ｄ都唔出奇。你話係咪污濁？我唔係魚販，唔敢斷言佢唔係，亦唔敢講佢用乜野藥，只係以心為心咁推斷而已。你如果觀察ｄ魚唔係狀態差，冇病癥，買都無妨。
反而如果ｄ魚去到水族店ｄ缸，都見ｄ水黃，我就會有大ｄ介心，因為可能係加左黃粉（好強o既殺菌藥）；而ｄ魚入缸前，唔知係唔係新水或又冇魚，就算係新水，都唔知道上一批魚有冇病。o係呢ｄ密集咁「養住先」o既缸，有病唔出奇。
２．三種都係陰草，我要提出俾你諗o既有三個問題：
．水溫幾多度？鐵皇冠同鹿角鐵皇冠都唔受得熱，有得廿七八度，ｄ葉會壞死（可以話係呢ｄ草最大缺點），由啡色點開以蔓延，葉片變軟，冇得教架，只可以o係爛到落莖（粗粗地打橫生o個條）剪葉，否則莖都壞死埋就好傷啦（我指你個心
圖片參考：http://tw.yimg.com/i/tw/ugc/rte/smiley_30.gif
）。以往我都多次o係夏天被迫剪走大部份葉．．．
．有幾光？陰草生得慢，如果支燈火數大，最易出現o既藻類係青苔（綠色斑點），有可能你會誤以為係黑色。留意下玻璃有冇？如果係青苔，就要減低光照強度；用動物控制未必清理得哂。同埋呢個情況o係水榕葉出現居多。
．黑點有冇毛？如果係有，就係黑毛藻（有ｄ品種呈綠或紅色），起因除左係水中養份太多，仲有可能係ｃｏ２不足（你個陰草缸會唔會由好少ｃｏ２甚至冇？）。要清理非常麻煩：
－－黑線飛狐（小心買錯，留意嘴邊只有一對鬚先係正貨）食黑毛，但有糧佢就唔食藻，搶食仲超快
－－用藥效果一般，有人用劑量過重死魚，而缸內加藥我亦唔主張
－－我主力會剪走太嚴重o既葉，再買一支碳肥（seachem flourish excel，魚街有售），用＄２買個針筒（除去鋼針安全ｄ），吸ｄ碳肥向黑毛重點噴，幾日後ｄ毛會變紅再變白，之後溶解！
圖片參考：http://tw.yimg.com/i/tw/ugc/rte/smiley_4.gif

－－角螺／大和藻蝦是否食黑毛未有定論，我發現大和藻蝦會食變白左o既黑毛（平時抓住黑毛可能太硬食唔到，但噴完 excel 後見佢走埋去，過一陣後冇左ｄ白毛）
３．三四日完全無問題！
唔放心可以買個自動餵糧機，ｓｅｔ時間，入ｄ糧入去，每日自動定時投糧。放糧o個盒開口大少決定投糧份量，出發前一兩日試準先好，以免落得太多造成大污染。

2008-07-06 19:00:28 補充：
補充：
２．青苔爛葉或黑毛都唔會影響魚。只係有礙觀瞻o者。

兩個可能性:
1. 落左藥先入袋 (機會不大)
2. 原先D食料或植物脫色(機會頗大)

2008-07-07 11:48:01 補充：
最好抽起佢啦, 有害無益

-幾日唔會死

1)天光墟的孔雀魚D水好黃，點解？買得過嗎？
d水黃係可以理解既,
魚街都有部分袋魚都係有黃水既問題
一)
可能係佢落左黃粉(鹽)去消毒d水,
幫d水殺菌咁啦~
二)
可能係佢原來既水混濁所引致黃水既出現,
不過呢個可能性好低,
因為你見到係污糟既你都唔買啦,
咁佢邊有生意呢!?
2)另外，我還想請教：我的魚缸有水榕、鐵皇冠和六角，鋪了沙底。最近發現三種水草的葉子都有一點一點的黑點，會影響孔雀魚嗎？
果d一點點黑點,
估計應該係黑藻黎,
都係因為喂既魚糧過量,
留左係缸底,
提供養份比藻生長；
又或者係因為曬得太多陽光,
陽光製造有利環境比佢生長；
又或泥底提依左營養比佢地生長咁啦~
出現藻類係唔怕既,
一般都係無害~
出魚街既鋪頭,
有少量鋪頭既缸都有一大堆藻類係度,
佢地都係長年唔洗嫁啦~
我今日都去買孔雀,
我見佢個缸既濾水器度鋪滿晒藻,
但d孔雀都好活躍健康啵,
所以唔駛怕嫁,
唔會影響到佢地既~
你驚既話,
可以拎佢出黎,
用手擦走或牙刷之類既野刷走佢囉~
3)我最近要出門，大概三四天，家裡沒有人，孔雀魚會餓死嗎？
我上網見過呢個問題,
亦都見過人地既回覆~
佢地話一般魚都可以餓三、四日既,
有人仲話佢試過餓佢d魚成個月都無事tim....
當然一個月既就唔知是否屬實啦
但係三四日既話,
可以話你知係一定可以~
患病死亡除外啦= =
依家市面上都有賣一d自動喂糧機,
你可以買既,
但價錢比較貴,
我唔太建議你買~
佢就係set定時間去自動放糧

1)D水好黃就唔買得過，因為可能好dirty。


2)你最近發現三種水草的葉子都有一點一點的黑點，是不會影響孔雀魚。


3)你最近要出門，大概三四天，家裡沒有人，孔雀魚是不會餓死的，如果你唔放心就可以買部「自動餵魚機」，只要set時間部機自己會餵魚。

2008-07-06 10:27:04 補充：
2)你最近發現三種水草的葉子都有一點一點的黑點，是不會影響孔雀魚(可能)