義氣兩字，在英文字典似乎無一個字可以表達到中文的神韻！

相當同意樓上 ashleydls o既見解。呢個中國文化博大精深，簡義氣兩字，唔止你唔識譯，記得當年曾經睇過古德明先生一文，佢都話極之難譯。
事實上，每個語言之間，都有ｄ字意係無法o係自己o既語言中無同義詞，呢ｄ字都係o係佢地o既文化中得到其含義。所以各種語言中，先會出現好多外語借用。常見o既如法文 fiance/fiancee，中文o既 taichi 亦因此引進英文詞彙。
如果你譯義氣，係為左長篇大論去講文化o既，我會建議你真係以拼音 yiqi （記得斜體）去講，然後再解釋佢係乜野。否則，只係平常翻譯文句、對白，不妨以意譯手法，取一個近義詞。
我個人認為法文 camaraderie 有ｄ近似義氣。佢解 a spirit of friendly good-fellowship，但同「同志」有關，似乎冇中國人用得咁濫同低俗。loyalty、devotion 等你列出o既字，都係義氣o既一ｄ部份（唯獨 chivalry，我真係唔知ｄ中古騎士有乜野精神），點可以簡單用一個字譯得出？譯唔到，唔係你水皮。孝順譯作 filial piety，已經係用到最簡單o既方法（最少字數）講到一個梗概，無呢個同義字，無得再短架啦。
我又用返「有無人夠義氣幫吓我」做例，呢度我同意佢近似 helpful / favour，但絕對唔止咁，直情要 who is helpful enough to / will anyone be so helpful to，因為問得出要人夠義氣幫拖，件事一定相當難做。
又一例：「條友無義氣架！」你用o個ｄ英文字，講得佢冇邊樣好？我都係會索性意譯：He's not a friend! 甚至 That's his true colour!

fraternity似乎都有少少咁ge意味,不過都唔係完全相同

其實文化好難完全對譯．外國人唔使照顧父母，佢地唔明filial piety．

你英文唔係差，不過文化係深層嘅，冇譯得最好，只有最近．你可以音譯"yiqi"，virtuous或完全理解原文，再用道地嘅表達方法．"義氣"＝道義:virtue(n) ,moral(adj)＋節氣（"氣"外國人直譯chi）

你嗰句"有無人夠 .....義 氣....幫吓我"，個義氣就可以係helpful，但成句譯就係：can anyone do me a favour please？所以同1個詞都有唔同詞性+翻譯

１.Ａ　ＳＥＮＳＥ　ＯＦ　ＨＯＮＯＲ　ＡＮＤ　ＪＵＳＴＩＣＥ～
２.ＰＥＲＳＯＮＡＬ　ＬＯＹＡＬＴＹ～
（比較長Ｄ～不過我就系識呢兩種～）