DVD player 接駁至電視

紅黃白嗰種接法應該正確.
你冇反應的關係相信應該係接咗去唔係預設的AV台.可能AV 1台預設係用component做顯示.AV 2台先係普通紅黃白線.你照顏色接就會接咗去AV 2台,所以雖然接啱,但一按去AV台時其實係睇緊未有接駁既AV 1台.所以冇反應.只要轉翻去AV 2台就會正常翻.步驟部部電視機唔同,不過通常都係按多一下AV台個按鈕就得.不停按就會去晒咁多個AV台然後先去翻平時睇電視既1,2,3,4台.但係你即刻按號碼就只會睇到AV 1台.
接咗component有畫冇聲是正常的,因為component雖然有三條線,但它是只處理畫面的,想有聲的話接埋紅白線就得.Component畫質是比黃色AV線好的,而且component可以傳送續行掃描而黃色AV線係唔得的.DVD機及電視有component的話應接component而不要接黃色線.這也解釋了為甚麼component是預設AV台.因為梗係希望一按就睇到個最好的.
如果你的DVD機及電視同時有HDMI的話,咁接HDMI會更加好.


2008-07-15 23:14:31 補充：
咁有啲奇怪,線插啱咗應該就有聲有畫.
你可唔可以試多樣嘢,就係DVD機插AV1睇下得唔得,如果得就即係你部電視有事,要修理,如果唔想修理可以用幾十蚊買個AV selector等now TV同DVD機共用AV1.
Component共有紅綠藍三條線,接晒之後會有畫面但係仲未有聲,你要買多一組紅白線駁埋,一共駁五條線先會有聲有畫.
既然你的電視有component輸入,咁你可以用AV1駁now TV,component 1駁DVD機.