相機 快門 的問題

從來冇人話相機有咩恆定光圈/快門. 佢九成想你覺得部機好正.
鏡頭就話有恆定光圈, 不過係指變焦時光圈值不變.

所以恆定快門... 照計應該係指快門被固定左咁解,

"不過呢個唔係一個可以拎出黎賣既優點"

佢部機得兩個快門, 對好多情況黎講都唔夠,
只可以靠光圈黎就, 做成構圖彈性不足.

影相時, 光圈快門唔係話邊個就邊個,
而係互相遷就, 做出最好既效果

好似依家日晴天, 出外影相好多時要用到快門1/250 + 光圈f8,
但係當你改用 1/30時, 快門時間大左8倍, 即係3級
即係光圈要收返細3級, 如果你仍然用f8光圈,
就會"曝光過度"

咁當你用1/30快門時,
光圈就應該收到去f22 (f8之後係f11, f16然後f22)
咁樣就返, 曝光就會準確勒.

得兩個快門, 最大問題係如果你光圈就唔到,
好似環境太暗, 就算放到去f3.5, 都要1/8秒快門 (假設)
咁你最慢得1/30, 就會變成唔夠光

而且, f3.5光圈景深會變淺,
咁影景物時, 想要收細光圈, 就會被1/30呢個快門限制左.

總之, 部機可以當係玩具, 但係真正想學影相既,
要搵返部正式有光圈快門較既相機至得.



2008-07-08 09:34:51 補充：
上便所有數字都係假設,
f3.5 + 1/30 影到既時候, 再暗少少你又可以點?
f22 + 1/250 非常fit既時候, 再光少少你又可以點?


因為得兩個快門, 所以影相時就要靠光圈就,
而光圈其實該係用黎控制景深,
跟住就用iso同快門去控制曝光,

但係, f22對比度同景深同f3.5時完全唔同,
到時發覺唔見左個主體 (景深過深 - 光圈太細),
又或者個人清, 但係背後既景物矇晒 (景深過短 - 光圈太大)
呢個至係問題.

光圈同快門構同運作﹐先可以準確曝光。
大多數相機﹐都有好多級快門。
如 dslr﹐大多數都係 由 30秒到 1/400秒﹐甚至 1/8000秒。


最高快門只有 1/250﹐如果光圈太大就會 over。


有一個曝光o既參考﹐叫 sunny 16。
大日頭陽光普照時﹐f/16﹐快門就會係 iso 倒數。
如用 iso 100﹐即係 1/100, f/16。
換算到 1/250﹐光圈係 f/12﹐係用整數 f/11 就 ok。

最大唔好處可能係唔可以係強光下用大光圈控制深景。