倉鼠成日係我手到賴屎賴尿,點算呀!!..

樓上網友講既野唔同意,並有危險既地方,希望網友唔好介意及留意一下:
而家天氣咁熱,千萬唔好俾棉俾鼠鼠用,咁會令鼠鼠太熱,除左易有皮膚病外,仲有機會中暑,中暑好易死鼠既
加上放棉花應該對問題並唔會有幫助

A.鼠鼠在手排泄,多數係表示好驚or當你手係屬於佢既地方(呢個可能較低),鼠鼠會利用排泄物去表示該地係屬於自己;你既鼠係新買返唻,好可能係太驚而在你手排泄
就算有咁既情況都唔洗驚,放好隻鼠之後,洗乾淨隻手就冇事,除非隻鼠本身肚瀉OR病緊,就要更加更加洗乾淨D,因為咁會較多菌

B.其實新買鼠頭兩日最好唔好攪佢住,唔係好易嚇親鼠鼠,鼠鼠受驚就有機會誘發甩毛肚瀉等疾病,所以唔好咁心急,俾多d耐性慢慢同鼠鼠建立關係

俾完佢靜兩日之後,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

多數係太驚既關係先會賴係你隻手度.
新買既話,唔好咁快放上係手度,相處多d,等佢熟你多d,咁就應該唔會再有此事發生

你可放一些棉花，[样]它賴屎賴尿