男同女都入得 好辛苦

我係一個女仔,我可以話俾你聽,佢唔係一個好女仔,佢響度講緊大話呃你。又或者佢玩緊你!
表哥同表妹係唔會十拘緊扣的,如果搭膊頭都勉強可以接受(但係我都唔會同我表哥搭膊頭),拖手已經唔能夠接受,何況係十指緊扣咁甜蜜的動作?
我好明白,個個女仔都好想多D人錫,佢明知你鍾意佢,佢如果真係鍾意你,佢點可以同人咁親密?親戚都唔會十指緊扣啦!不過而家有D妹妹仔好開放,可能會覺得好平常囉~但係我覺得稍為正經的女仔都接受唔到囉~
佢應該係同個男仔拍緊拖,但係又好想你繼續鍾意佢,點知又俾你見到佢拍拖斷正,所以佢咪死口唔認,連表哥表妹呢條咁蠢咁老土的條都出埋囉!你唔好上佢當呀!佢係俾機會你,但係佢只係想釣下你癮,有時女仔又未必只係揀個樣,或者個男仔暗地裏對佢好好,你唔知呢!我自己揀男仔都唔會只係揀樣啦!唔一定係因為你冇個男仔咁好,只係有時感情好難講,可能只係因為佢地0岩key,喜好相同。
所以我勸你一句,呢個女仔唔值得你鍾意,揀過一個好女仔啦!香港大把好女仔!呢種女仔,唔做FD都罷,費事俾佢繼續點!
我年紀大過你地少少,經驗多你少少,我就咁睇,假如你真係信佢,假如你同呢個女仔拍拖,如果你地拍左拖之後,佢都會咁做,你又介唔介意先?因為佢話明係表哥嘛~既然你之前唔介意,咁之後你又可唔可以介意呢?你明唔明我意思?但假如你真係大方到乜都唔介意的,我冇說話好講!
你唔好介意我咁直接,雖然我係女仔,但係我都想幫你,因為我都好憎D咁衰的女仔!我只係唔想好的男仔女仔俾人欺騙感情o者!
唉~好女仔鍾意壞男仔,好男仔鍾意壞女仔,呢句說話原來係真的!點解好的男仔唔揀好女仔,好女仔唔揀好男仔呢?

其實女孩子並不是每一個都是一對一的拍拖; 有些可以一對二, 或者更多. 為了保護自己的利益, 是不願意的公開戀情. 如果你覺得你可以跟別人一起分享女朋友, 又不怕跟另外的一位或二位正面衝突, 這不是問題 ! 否則, 需要找個對你從一而終的女朋友吧 !

我係一個女仔. 我唸個女仔唔會完全對你無feel 既. 因為如果我係佢. 我係唔鐘意個男仔既話. 講大話都慳番啦.(表哥絕對唔會同個表妹十指緊扣) 我唸佢對 2個都係有 feel.. 但係唔知 choose 你定係 '表哥"
所以佢就 2 個都 hold 住先..不過你有唔可以怪佢. 話到尾. 都係自己幸福呢架ma...緊係要落足眼力..睇定啲架啦.....所以我覺得係而家最好就唔好煩個女仔咁多.俾啲時間佢. 細心啲.......24 小時 on call... 你一煩佢. 心急想知個答案既話. 佢就唔會show 你架啦.. 所以. 至緊3唔好煩佢. 我等我個 bf 都等左 4 ys 啦~~ 你係真心love 佢既.. 等多幾個 6 個月都係值得架......

我覺得你應該有D保留
唔好對呢段感情咁投入
我覺得如果你想知道你同佢有冇機會
你可以搵機會(誠懇咁)講自己既愛情價值觀
咁就大家都可以睇到仲有冇發展機會
而你地大家都可以睇到下一步應該點做
至於你話果個人同佢一齊
其實好多事實對方都係唔知
好多時都係大家鬥估對方
不過最重要係大家都誠懇咁對待感情先會有將來

長痛不如短痛...分手吧! 如果未開始...就唔好行前一步.
需要我唔識你個女性朋友...但係聽你咁講...
佢都係一d想要個觀音兵既男友...無橙時都有個柑陪下
點解仲要逼自己咁辛苦! 咁既女孩子唔值得繼續浪費時間!
做人要堅持自己的思想....唔好為有一兩句說話以衰心軟.
我覺得你同佢分手..個女仔都唔會傷心得去邊.
就算係表哥都唔會十指緊扣...呢個有問題喎!
唔好再執著, 勇敢一點...放開呢段感情!
放開了..解脫了...讓自己好過一點.
放棄了一棵樹...還有整個森林等著你.
加油吧.

有一日,你和一位異性十指緊扣，你對女友說她是你表妹，她會信嗎？既然她一再令你失望,而你又對佢失信心，何必迫自已去接受一個唔珍惜自已的人？
任何人講他的經驗,也不及自已的經歷更深刻,你要在當中學習一課,(一個真正接受你的人，是不會接二連三的欺骗你的；在遇到上述情況,走為上着,值得為她煩惱和留戀。)
無需要再扮什麽,做回原本的你，也要對自已有自信。
因為.......上帝為你關上這度門時,另一道門也為你打開了。
不要為過去傷感了,一定有人接受你的，振作丫。

你可以完全排途左d個係佢表哥???
若果唔得既話跟本就係你諗法錯而唔係對方問題囉!!明?
排途到的話我諗你一早已經唔諗佢囉.....你後面打咁多好似好絕既野~
我同我家姐都成日咁架啦~無乜問題架喎.....只要係fd!!!
仲有你話到人地咁樣既話.......我諗比樣既話你可能同人地一樣都係樣衰到無朋友個隻囉!!
等多陣啦......好過乜都唔知就真係放棄左...包你會後悔囉咁做的話!!
有d野係要自己睇環境而改變架......旁人幫你唔到你幾多....