宿霧自由行(中文)

Cebu入境要填紙，一張入境， 一張報關，係飛機上空姐會派俾你填，入境果張一人一張，報關果張可以一group 人一張，填好夾係passport入面過關時俾佢就ok，報關果張紙就拎完行李出機場時佢會收~

菲律賓出名食海鮮同乳豬~ 食海鮮最好就去外島，香港人比較多去資生堂島，但要私家船先去到，你可以跟一日遊出海，約幾百蚊位中午會上島食飯，宿霧有香港人開o既潛水店，可以係香港book定免麻煩，到時仲有車接送，你可以send mail 去問問，[email protected]

乳豬係lighthouse restaurant 食最出名，地址係Gaisano Country Mall 2 樓~

3日2夜唔好去保和島，你會好辛苦，因為搭船來回要 4 個鐘頭~ 其實一日留係酒店享受，一日join tour 出海食海鮮，一日到SM Mall 行街買手信已好充實~

SM Mall 係當地最大o既商場，真係好大類似香港太古城咁樣，有百貨公司、好多餐廳、按摩、乜都有，可以行一日~ 其他商場唔駛 side 時間去~

據說crossroad 有平價spa，都ok，但我未試過，Shangri-la 本身的spa 好正，如果couple 做都好抵，2000零蚊兩個人2個半鐘package，私人villa 做，環境服務超正~

香格里拉食dinner 自助餐每位成300蚊，我覺得唔抵，唔係真係咁多野食，不過我都試左~ 平o既可以試下waterfront 酒店內的自助餐，百零蚊港紙，都ok 多野食~

宿霧唔太多夜生活，而且 4 個女仔夜晚建議唔好亂咁走，安全o既選擇可以到Waterfront Cebu City Hotel，裏面有賭場、有酒吧、餐廳可以飲野~

宿霧其實都無乜景點，真係想睇可以到國家公園睇麥哲倫和Lapu-lapu像，就係香格里拉酒店附近~

坐的士唔算好平，但係你無選擇，因為公車你唔會識搭，香格里拉係唔會幫你截的士入內，你要自己行出大門路口截車，或者幫襯佢租車，會貴，坐的士上車叫by meter 睇錶就ok，要堅持~

Cebu係無公眾沙灘，Shangri-la 本身有私人沙灘，都算最靚架啦~

手信都係芒果乾同芒果汁，7D牌，一般超巿有得賣，SM Mall 內的百貨公司有大型超巿乜都有得賣~

走果日去到宿霧機場international departure，入門口check 機票passport，然後到航空公司counter check-in，之後再到入閘旁的櫃位買terminal fee，每位P550，然後拎住boarding pass 過關就可以~

想知confirm 未可以send email 去酒店問，或者打電話問都得~

放心喎，果便大把日韓遊客，無人會怪你英文唔好~

祝玩得開心~