我隻倉鼠...唔知係唔係有病

鼠鼠養左幾耐呢?係唔係一籠一鼠?
如果確定係男鼠,就要留意返會唔會有肚瀉or便秘,肥胖既問題
只係睇狂食狂訓就好正常,鼠鼠係夜行動物,日頭訓覺夜晚活動,如果同鼠鼠既作息唔同既話,就好易會見到鼠鼠成日訓,而天氣較熱同凍,鼠鼠都會訓多D既

A.肚瀉or便秘
肚脹多數係便秘,但因便便濕濕地,兩個可能性都要留意一下

分辨便泌or肚瀉:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬or林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做
2)清晒個籠之後,再仔細留意佢既排泄物係咪真係少左or多左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊,便秘排泄會好困難
4)便秘有時會見到佢肛門附近會濕濕地咁既,甚至見到有便便塞住,肚瀉呢個位都會濕,不過就唔會有便塞住

便秘處理方法:
1)將水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)有第隻鼠一齊就要分籠,呢個情況好多菌,以免令第隻鼠都唔舒服(不過鼠鼠其實係獨居動物,分開住會好d)
4)保持個籠乾爽清潔
5)情況都冇改善(2日度啦),就必須睇獸醫處理

肚瀉既要留意以下幾點:
1)買d止瀉藥加入水度俾佢飲(Gimborn 止瀉藥OR SUPRA-CELL N700止瀉素幾好)
2)有第隻鼠一齊就要分籠,因為會傳染既,亦有機會係同第隻鼠同住,感到壓力而肚瀉,而且俾藥都要分籠先俾到
3)如同一籠有第隻鼠,亦需留意冇肚瀉既鼠鼠身體及排泄物有冇異常,仲要將佢地既用品完全分開,唔好一齊洗,都唔好掂完一隻又掂第隻鼠
4)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多
5)保持個籠衛生
6)鼠鼠既用品同籠都要用牙膏or動物專用既消毒劑消毒
7)仔細檢查鼠鼠既食物會唔會有變壞or生虫之類既問題,有問題既話可先俾白米(生)俾鼠鼠食,再盡快買返鼠糧
8)唔好食零食之類,蔬果更加唔可以食啦.食鼠主糧,都可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
9)如果呢兩日有轉過糧,最好可以食返舊既糧先
10)檢查水樽出水有冇問題,肚瀉飲多d水係好緊要,如果鼠鼠冇咩力去飲,就要餵鼠鼠飲水,同時將水樽放近鼠鼠
11)鼠鼠有唔舒服係會特別怕人,都唔好打擾佢咁多
12)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生
13)肚瀉不止(2,3日左右)or瀉得嚴重,就最好去睇醫生

B.肥胖
如果檢查過便便冇異常,就可能係鼠鼠既尿整濕便便,而鼠鼠買返唻之後1,2個月係會明顯既肥左
都要留意返會唔會有俾零食俾鼠鼠?好多疾病都係由肥胖誘發,所以最好只俾鼠糧及草俾鼠鼠食就足夠
鼠鼠飲食要留意既事可參考以下我回答既知識:
http://hk.knowledge.yahoo.com/question?qid=7008022103115

2008-07-05 16:41:23 補充：
十分抱歉知道你既鼠鼠離開左,希望你唔好太傷心

唔知鼠鼠既排泄位置會唔會有便便塞住?咁既情況已經幾耐呢?雖然鼠鼠已經救唔返,但了解返鼠鼠既死因,對日後既鼠都會有幫助

狂食狂訓好正常gr ja~都可能有左bb

個肚好漲!?你錯覺咋....定係佢肥丫...有bb都好有可能...你係米100%肯定佢係男仔先...唔係可能大好多!!最好唔好搞佢住na..如果佢真係有左...倉鼠有bb都係後期會發覺....睇下過1排點先~

唔係生蟲...鼠鼠唔會有呢d病架..

你可以放心架la~

應該唔係有生蟲.
我都養過倉鼠.
如果你話佢個肚好漲.
我覺得佢係有左.
不過你都係去醫生到睇下啦