關於有了身孕的問題~~好煩呀~~大家比下意見~~(10點)

首先，你地要衡量男女雙方ｏ既經濟問題，如果生左個ｂｂ出ｏ黎，你地養唔養得掂，雖然話平有平養，貴有貴養ｏ者，但係如果你地連自己衣食住行都係剛剛足夠，又點足以養活一個ｂｂ呢？！
其次，當ｂｂ出世後，你地要比好多時間佢，要湊大佢，要同佢玩，要教育佢．你地兩個就唔可以成日行街睇戲唱ｋ，如果你地未玩夠，就唔好諗生ｂｂ．
雖然ｂｂ係一個小生命，落左佢會好殘忍．但如果你地生佢出ｏ黎，無時間照顧佢，咪仲殘忍！！
當我發現有左後，我都同我男朋友考慮ｏ左好耐．當然會諗埋落ｂｂ後對我身體ｏ既問題，諗好各樣問題後決定結婚生佢出ｏ黎．
由懷孕到而家ｂｂ９個月大，我日日都ｏ係屋企湊ｂｂ，老公就日日返工放工返屋企，有時有朋友生日，叫我地出去食飯或唱ｋ，都唔可能去到．但既然決定生佢，都唔會覺得無得出去玩係可惜．
老公更加努力搵錢，為ｂｂ買樓．而我更唔捨得買野比自己，但就會咩都買比ｂｂ，一切都會以ｂｂ為先．
最緊要係你地要有計劃，唔係隨便話生就生，生ｂｂ係一世，要大家慢慢商量．

2008-07-10 02:53:44 補充：
其實你話你地扣起開支都仲有＄１００００，都已經好夠駛啦．
養一個ｂｂ係開頭買日用品先駛得多，（如ｂｂ床，車仔，衫，包被，紗巾，沖涼液，奶樽．．．）之後ｂｂ平均每個月都係用＄３０００～＄４０００．如果話要租樓ｏ既話，咪搵間平ｄｏ羅．不過你地仲要計埋租樓ｏ既雜費，水電煤樣樣都要＄．
如果仲有能力讀書ｏ既就唔好放棄，繼續進修起碼有機會升職加薪，咁先有機會改善生活嘛．

你既然落過 bb, 都知道有左 bb 對你的不便, 咁點解你仍然冇做安全措施呢?!! 點解要害多一條人命!!
今次你真係要諗清楚, 如果再落仔, 第日你想生都難

生小朋友是要講資格的, 一是雙方面有冇經濟能力. 二是有冇愛心對小朋友, 三是要肯付出好大耐性. 四是有強烈責任感. 五是肯為小朋友冇左好多好多自由. 缺一不可.
落左bb的確好殘忍, 但冇盡自己能力提供良好環境給小朋友就仲衰.
上星期新聞高考有位5A學生, 一家四口都係月入七千蚊, 生活可以好簡單, 最緊要一家人開心. 另一位5A咁大個女都未去過海洋公園. 仲有一個5A咁大個仔都未擁有過一隻手表. 所以錢唔係最大問題
你現時最大問題係你會否結婚, 單親對小朋友影響好大.

希望你可以多方面想清楚自己是否可以做一個好媽媽. 始終都係人命關天.

您有過墮胎的經歷
相信你會明白到此行為是如何殘酷和痛苦的事
不單止你的身體 , 你的心理也會有一定的影響

要生下來不但是金錢的問題
還有很多其他事情要顧及
是一生一世的
既然您是孩子的媽媽 就必須凡事為孩子著想
有時必須放棄您的理想

不過 若您不能給孩子幸福 或沒能力好好教育他
為免誤他一生 那倒不如不要生下來

最重要的都是您 自己的想法
身邊的人應該尊重您的決定

相方家長都應該好好的商量
不應隱瞞 畢竟他們都是經歷人生的長輩

若您不想墮胎 但又怕沒能力養育孩子
有沒有考慮過將孩子送贈給想要孩子但不育的夫婦?
還有其他方法的
以上的都只是愚見
您可向有關機構聽取專業的意見 他們都會幫到您


祝你幸福愉快~

我想問你到底幾多歲呀...上大陸落你都夠膽....好危險家...
係都俾多少少錢係香港落啦...都係$10000左右...
我諗如果你連呢少少錢你都俾唔起嘅話,你都係唔好生啦...
你根本都養唔起, 生左都覺得個B可憐, 奶粉尿片都係錢黎家.......
而且你都唔係第一次"意外"啦...如果你真係有認真諗你所謂嘅"理想". 你都唔會再有今次所謂嘅"意外"啦....
又要做又要驚....都完全都唔諗後果...

我同你係msn講啊...
你比你msn我啊...

咁緊系生左個BB出泥先la,如果生左出泥真系唔掂,先再算/唔要佢
你落左佢,咁個BB咪死得好無辜?!